شوك
ما أزعل يا حلوة من التريقة و المزح
تدري قبل يومين عزمت اخوي و اختي عندي بالإفطار ..
و كانوا داااااااايم يتريقوا علي اخواتي في قروباتهم ( مزح طبعا )
لما اعطي رايي في اي اكلة او اي شي يختص بالطبخ !؟
يقولولي انت ايش فهمك !؟
.
.
لكن أبدا ما توقعوا اني راح اعمل سفرة مثل كذا و اكثر من صنف
اخواتي نفس الطبخات الي يعرفوها .. مثل ماهم من كم سنة
بس الحمدلله .. باتعلم و ادعي مرات ( يااااارب خليني اتعلَّم الطبخ و الرقص )
اكثر شيئين يتريقوا فيه اخواتي علي
.
.
انا أنفع أرقص رقصات مايكل جاكسون خخخخخخخخ
لكن هز و شي بطيء الحركة .. ما يمشي معايا ..
و دايم اتفشل في زواجات الاقارب و اتحجج باي شي ..
و مثل ما تفاجئوا من يومين بسفرتي ..
ابغى أفاجئهم بالرقص .. لانهم يسخروا مني دايم و اضحك معاهم عادي ههههه
.
.
نرجع للطبخ
ايوة ربي سخر لي - سبحان الله - سلفتي ..
تجاوبني على اي سوْال عن الطبخ ..
سلفتي فنانة في الطبخ ماشاء الله .. تعرف تطبخ كل شي ؛ كل شي كل شي ..
بس استحي اسألها كثير .. و دحين من بداية رمضان الي صرت اسألها و ما اخجل منها عادي ^_^
لكن هي ماشاءالله تشجعني اسألها و تعرض علي دايم خدماتها ..
ربي يسعدها .. و طبخاتها نفسسسسس طبخات امي الله يرحمها ؛ امي كانت معروفة فنانة بالطبخ
بس امي ماتعرف تعلم احد الطبخ و ما تحب احد يدخل معاها المطبخ
كانت امي ما تخليني ادخل المطبخ و تخرجني منه .. و تخلي الكبار عشان يساعدوها في غسل الصحون
و تخليني اخد اخواني و اخواتي الصغار و أشغلهم معايا باللعب
عشان ما يزعجوها .. و كنت القائدة لهم زمان خخخخ ^_^
.
.
لازم اتعلَّم الطبخ و اتفنن .. عشان لو بنسافر برة
مافي مطاعم و اكل من برة كل شوية و راح يموتوا أولادي من الجوع : (
زمان كنّا بس انا و زوجي و نمشي حالنا
و كانت معايا في بريطانيا .. شغالتي هي الي تطبخ لنا ..
و امي كانت موصية الشغالة علي .. دحين مافي لا ماما و لا بابا ..
.
.
شفت موضوع هنا بالمنتدى ( من سنتين تقريبا ) عن الشوربات
و فيه وحدة من الردود ليا .. كاتبة اني أحب الشوربات لكن ما اعرف كيف أسويها
تعرفي انه شوربتي اللي عملتها قبل يومين ..
غرفوا منها كلهم قبل لا يروحوا بيوتهم و الشغالة اكثر من مرة غرفت لنفسها
و زوجي ما يحب الشوربات ابداااااااا و شرب منه الحمدلله
و قبل لا نفطر .. اختي تتريق على شوربتي
و وقت الافطار ؛ اخوي ما يجامل في الاكل .. غرفت له اكثر من مرة ^_^
و حتى الأطفال غرفنا لهم منه ^_^
.
.
يعني باْذن الله ؛ سنة كاملة و اضبط المعجنات و الحلويات و الكيكات
و اي شي فيه ( عجن و دقيق ) ^_^
و لما اضبط الاكلة بعدين ..
يقولوا اخواتي انه آكلي طعمه نفس طعم آكلات امي .. ^_^