رد: أنا وأمي !!!
اقتباس:
المشاركة الأصلية كتبت بواسطة تحملتك كفاية
واضح ان مشكلتك الرئيسية مو مع امك
مع نفسك تخلصي من العصبية الزايدة تزين امورك
سبب ان امك الوحيدة اللي تتهاوشين معها لانها اكثر من يقابلك ويقعد معاك
مهما كان قلبك طيب عصبيتك بتنفر الناس من حولك
|
مثل ما قال الأخ ..
مشكلتك مو مع أمك .. مشكلتك إنتي معترفة فيها وهي ( العصبية ) .. وبحكم إن أمك هي اللي في وجهك أغلب الوقت فطبيعي تصير إحتكاكات بينك وبينها .. حاولي تقرأي أكثر وتبحثي عن طرق للتخلص من العصبية ..
ما أدري هل تعاملكم إنتي وأمك مع بعض من زمان كذا يعني من يوم كنتي بنت قبل لا تتزوجي وتنفصلي ولا هالشيء جديد ..؟
جربتي تتوددي لها .. تعامليها بالإحسان .. تكسبيها بالإبتسامة والكلمة الحلوة ..؟! لما تساعدي أمك تعملي أشغالك بنفس طيبة .. ولا وإنتي تتحلطمي وضايق خلقك ؟؟! لأن لو الثانية فلا تلومي أمك أكره ما على الواحد إن اللي يساعده يتحلطم عليه يحسسه كأنه ( يتمنن عليه ) فما بالك لما هالتصرف يصدر من ضناه ؟؟؟!
لا تخلي الشيطان يخرب علاقتك فيها بزعم إنك عصبية ( إن الله لا يغير ما بقوم حتى يغيروا ما بأنفسهم ) ... جاهدي نفسك تتمالكي أعصابك في حضرة العزيزة الغاليـة، لا تنسي إن الوالدين باب من أبواب الجنة أستغلي وجودها في حياتك واكسبي رضاها عشان ربي يرضى عليك ويباركلك في حياتك ..
__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔