اقتباس:
المشاركة الأصلية كتبت بواسطة مــريم
أول ماتزوجت بعمر صغير كان تنظيفي على قدي ..
عشت ببيت أهلي كنا نعتمد على أنفسنا بالتنظيف ماكان عندنا خادمة .. وكان نظافة وترتيب بيتنا كأغلب الناس ..
بس أهل زوجي عندهم خادمة من يوم كانو صغار .. أم زوجي حريصة جدا على الترتيب والنظافة لدرجة الوسواس..
ومع إني عشت في بيتهم بس كانت خادمتهم ممنوعة علي ..
زوجي كان فجأة تجيه فكرة إنه يقوم ويمسح بصبعه أعلى المكيف اللي أنا ولا مرة فكرت أنظفه ..
يطل خلف السرير بينه وبين الحايط ويشوف الغبار اللي ماعمري طرا على بالي أكنسه ..
أم زوجي دخلت غرفتي مرة .. وأنا كنت فخورة بنفسي إن الغرفة نظيفة ومرتبة ومبخرة ..
شافت خيط على السجاد واشرت علي إني أشيله ..
شافت مفك براغي في الكاس اللي أحط فيه المشط وعلقت إن هذا مش مكانه ..
شافت الستارة مش ملمومة بطريقة مرتبة وايضا تكلمت ..
والله .. والله .. يا إني كرهتها كره هذاك اليوم هي وولدها .. ولحد الآن مب قادرة أسامح على هالموقف ..
ألحين أنا ببيتي وعندي خادمة صرت أحرّص عليها كثير تجنبا لانتقادات من زوجي..
ولو سمعت انتقاد منه أرد عليه إنه شي عادي جدا وشفيها لو لقيت لعبة مرمية ع الأرض أو أغراض ع الطاولة .. مهو البيت مش مهجور وفيه ناس عايشين فيه ويمارسون حياتهم .. أساسا زوجي لما يستخدم شي مايرجعه مكانه .. حتى ملابسه يخلعها ويرميها في مكانه .. فصار هذا ممسك عليه لو تكلم ..
ألحين خف كثير عن أول .. أو يمكن أنا صرت أكثر حرصا على النظافة والترتيب ..
|
الله يهديها
جد وش لجنه تفتيش
الحياه فيها سعه
اذا فنادق ندفع بالليله الشي الفلاني
وهي فنادق عالميه طاقمها مدرب ومع هذا نمسك عليهم زلات
من ناحيه النظافه الخدمه السرعه