اهلين حبيبتي مبتعثة
بدي قلك انو بتختلف الشخصيات لكل امرأة ولكل رجل
بعرف نساء ما بتقدر تنام اذا ما يكون بيتها بيلمع لمع وكمان رجال نفس الشي
وبعرف شخص معرفة شخصية اذا نقطة الماي وقعت عن الارض مستحيل تبقى ثانية
وفي اللي بطنش او المهمل لدرجة ما طبيعية

اما عن نفسي ما عندي شغالة كون البيت صغير هون
وبلبنان كتير كبير البيت كمان ما بفكر جيب لانو ما بعتقد رح احتاجها
اللي بهمني انو يكون البيت مرتب بيعطيني راحة نفسية
والترتيب ما بياخد وقت كتير
ولا مهم عندي انو الشغل العميق يكون بشكل يومي
مرة بالاسبوع كافي بالنسبة لي
واوقات بخصص ساعة الصبح بكون كل شي مرتب واوقات المسا
واوقات بهمل وما بعمل شي بعتمد على الولاد يرتبوا وزوجي كمان
وطبعا زوجي كتير بساعدني وبيتغاضى عن اشيا كتير والاولاد كمان
واهم شغلة بالاكل شو ما عملت ما عندو اي مشكلة ولو حتى ما عملت بيدبر حالو

حلو النظافة وحلو الترتيب
بس اللي ما بحبو انو لازم يعتبر الرجل انو المرأة مكنة وعم تشتغل بالساعة وهو ملك زمانه
بكره هالنظرة كتير
بحب التعاون يكون بالبيت بين الكل سواء الزوجة والزوج والاطفال
الحمدلله اخي كان يساعد ماما قبل ما يتزوج وهلئ بساعد زوجته
ونفس الشي عم علم ابني يعتمد على نفسه ويساعد زوجة المستقبل
الحياة بشكل عام تعاون بكل شي
فكيف بين شريكين
او مجموعة افراد بأسرة عايشين ببيت واحد
بس للصراحة الوسواس بالنظافة متعب صاحبه ومتعب اللي حوليه
وممكن هالشي مش بارادته بس لازم يخفف منو ليرتاح ويعيش حياة طبيعية
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه