رد: حتى لو مابيننا زعل .. يزعل وينكد علي
اقتباس:
المشاركة الأصلية كتبت بواسطة لاراH
اولا الله يقومك بالسلامه يارب وتجيبي احلى بيبي
اتعوذي من ابليس حبيبتي ولاتكدري خاطرك اهم شي صحتك
الرجال متضايق لآنه اتحمل مسؤلية عياله فجأه وتلاقيه مو قادر باله يرتاح
اكيد بيكون متضايق لآنه اول مرتاح انهم عند امهم دحين كل شي صار ع راسه
ان شاءالله فتره وتعدي
انتي نفسيتك تعبانه عشان الحمل وراح تدققي ع كل شي
ماعليك اهتمي بنفسك وصحتك ادا جاك اضحكي وانبسطي
لاتبكي ابدا علميه انك فيه ولابدونه حالك ماشي
الرجال مايحب البكاء وبيشوفك نكديه ولا راح يجيك
لاتعاتبيه خليه ماعليك واضحكي واستانسي
بكره روحي موعدك والله يسهلك ويقومك بالسلامه
انا وقت رحت عشان يحطولي طلق صناعي كان زوجي يتمشى بدبي 
ولدت وهو ولا جاء ههههههه
وخليت نفسي اولى من كل شي
لاتخلي حياتك توقف عشانه وتدعي ع البيبي و ع نفسك
مافي شي يستاهل حبيبتي |
والله العظيم اكون بعز تعبي وماليا خلق اتكلم
ولما يجي ياخذني اضحك واسولف معاه واخليه يغير جو
وأوقات كان يعتذر لي انه اخذ من وقتي علشان أولاده ولما اقوله عادي يقول انتي ايش ذنبك
بس هو تعود ع البعد خلاص ماعاد أساسا يشتاق
اليوم بدال ما يقول لي كيفك واحنا بالطريق او اي شي يخصني
جالس يقول انه زوجته رافضه ترجع الا يديها فلوس ويقول اليوم المغرب اخر مهله لها بعدها مالها رجعه
طيب اليوم ليا انا !!!
لما قلت له بالمكالمة بعد ما رجعت البيت وانا ووجودك بحياتي ..؟ تخيلي قال بعد ما تولدي وتخلصي الأربعين نتفاهم ..
طيب صح انا مو رايقه لشي الان بس مو معناه تخرب نفسيتي وتعاملني أسوأ معامله 😕
حلفت اني ما اروح .. الان أساسا احس بآلام وحتى النوم طار من عيوني
حسبي الله بس
نفسي أبرمج مخي اني اعيش لنفسي وبس لكن أحاسيسي الهبله مدري ليش تسبقني بكل شي