عزيزتي طعن من حقك تخافي على مشاعر ولدك ونفسيته
وبنفس الوقت من حق الولد يشوف جدته وابوه وعماته
ولو كان الاب ما متحمل المسؤولية او ما عم يسأل
خلي الولد يشوف بعينه اذا الوضع ما عجبه بيتألم مرة
احسن ما يتألم مية مرة هو ومصر انو يروح وانتي عم ترفضي
وبالنسبة اذا متحسسي انهم يحكوا ويقولوا انك عم تتقربي بواسطة الولد
عندك خيارين
اذا زيارة ام زوجك لجدتكن الكبيرة بفترة زمنية قريبة خبري الولد انو رح تخليه يروح يشوفها هونيك وجدته بتاخده معها
وفي حال كانت زيارتها بعد شهر رمضان او بفترات متباعدة ما عليكي الا ترسلي ولدك مع السواق بس لازم يكون مخبر ابوه وجدته قبل بوقت انو حابب يزورهن
وهون بدك طنشي اي كلام بيصدر وما تهتمي
والاهم عم تعملي اللي بيرضي ربنا ثم ابنك
كل شي الا صلة الرحم
الله يسرلك امرك عزيزتي ويريح بالك

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه