رد: أنفاسي محبوسة وقلبي يكاد يقف
ياااحبيبة قلبي هوني على نفسك أقصاها صورة والحمدلله إن أهلك عارفين عن الحكاية وواقفين معك ولو لا قدر الله وابتزتك فيها فالقانون يحميك من أشكالها ويجيبها من أقصاها الدنيا مو سايبة إلا هالنوع من الجرايم مافيه تساهل كوني قويـة
( لا تبوق لا تخاف ) ..
أهم شيء ربـك عارف إنك بريئة وأهلك بعد فلا تخافي من أي شيء في الدنيا بعد كذا .. من فوق سبع سماوات ربي راح ينصرك عليها لو حاولت تلوي ذراعك بالصور وهالشيء إحتماله ضعييف يمكن فعلا تكون مسحت الصور من ساعتها وإنتي السالفة تاكل وتشرب معاك ..
بقولك شيء / أنـا قبل سنة وشوي غيرت غرفتي وكان عندي في دولابي من جوا واحد من الأبواب حقت الدولاب معلقة فيه تقريبا 8 صور وكانت من أجمل صوري لأنها كلها متصورتها في عقد قرآن أو عرس يا أخوي ولا أختي .. أمي الله يرحمها كانت تقولي لا تعلقي صورك في الدولاب من جوا لأن هي تشوف هالحركة ( هلاقة ) بس ماكنت سامعة لها ! المهـم يوم جيييت أغير الغرفة قرر أبوي يعطي غرفتي القديمة للجمعية الخيرية وأخذ موعد ع أساس يجوون ياخذونها .. وجلست 3 أيام أنا والخدامة نطلع في الأغراض .. وليلة ما بيجوا الجمعية الخيرية أبوي سألني خلاص فضيتي غرفتك قلت إيـه .. وكنت عارفة إني إنتهيييت من كل شيء بس باقيلي الصور أنزلها وسبحان الله لهيييت مدري ف ايه وصحيت اليوم الثاني أركض لغرفتي ع أساس بأخذ صوري إلا ما ألاقي غير أربع جدران وسقف 😭 😭
ع طول رحت سألت أبوي أعطوك صور قال لا دخلتهم وتركتهم .. قلت لهم لا خلصتوا نادوني .. وخبرته بالسالفة بس عشان يكون بالصورة صحيح أخذت كلمتين ع راسي وأنا مالي ذنب 😪 بس الحمدلله دعيت اللهم إني أستودعتك صوري وأكفني كل من أراد بي شر بما شئت وتناسيت السالفة ..
خليييك واثقة من رب العالمين ( فما ظنكم برب العالمين ) ..
ربي يحرسك ويحفظك .. دائما أدعي يارب إكفنيها بما شئت وكيفما شئت ..
اقطعي علاقتك بالصديقات اللي يعرفوها اللي جاك كفاك ~ والمرء على دين خليله ماتدري يمكن تسوي فيك نفس ما سوت قبل عن طريقهم .. ولا تحذري حد منها .. عشان ما تحطك براسها .
__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔