نفس طبع زوجي وحركاتك تذكرت نفسي باول مولود لي مثلك حسيت بصدمه كيف زوجي الي يحبني ويهتم فيني ينساني عند اهلي ولايكلم الاقليل وزيارته يكون من بعيد لبعيد ولايطول اكيد كرهني وهاتك ياصباح وياعتاب وياغثا هههههه
الحين والله اضحك على تصرفاتي
بقولك ببساطه زوجك يحبك ويموت فيك لكن هذا لايعني انه يترك كل حياته واشغاله ويقابلك
وترا حركتك هذي اسمها تسول عاطفي
مررا حركه ممله وغثيثه انك بس تفكري ليش سوا وليش فعل
بدال هذا فكري من ناحيته وتعذري له مثلا قولي مشغول او اكيد انشغل مع بيته الاول وعياله او يستحي يطول عند اهلي او علشاني تعبانه مايبي يجلس كثير معي او اي شي
ولو منك اقول ليتك تجي بكرا ماشبعت منك ومرا اشتاقلك بصوت حنون وهادي واذا قال مشغول قولي ان سمحت لك ظروفك تجي ولامعذور الله يحفظك واستودعتك الله بكذا توصلين له رساله انك تبينه باسلوب لطيف بدون لزاقه وغثاثه
وعلى فكره ترا اسلوبك منفر انتبهي لنفسك
حتى لو قلبك محروق اضغطي على اعصابك ولاتبينين قهرك بالكلام لان بيطلع كلام سيء تندمين عليه
خوذيها قاعده وصلي مشاعرك باسلوب ودود ثم اصمتي ولاتعبدين وتزيدين بالكلام علشان ماينفر منك
الله يسخركم لبعض الزمي الدعاء والاستغفار والاذكار لاتنسينها تساعد على راحتك النفسيه