اقتباس:
المشاركة الأصلية كتبت بواسطة bulldozer
بالنسبه لسؤالك هل الزوج اذا تزوج على زوجته معناته مايحبها
الجواب لا مش شرط والى ماكان وجد شي اسمه التعدد
لاكن الرجل الي يطلق زوجته ويتزوج عليها هو الي مايحبها
في شي شدني بموضوعك وبعض ردودك وهو انك دائما تذكري هذا الكلام
(مشكلتي انه هو يحسب اني ماحبه )
وبصراحة ربطت كلامك هذا بمرضك لانك ذكرتي لي ان عندك الوسواس القهري
ومن اعراض المرض..... نقد النفس والاحساس بالذنب مثلا ان يقوم شخص بعمل مشكله وتلومي نفسك ويأنبك ضميرك عليها وكانك انتي من افتعلتيها
الشك والحيرة والتردد وووووو
اصلا هذا مش سبب مقنع يخليك تلومي نفسك لان لوزوجك حاسس انك ماتحبيه مااسترجعك بعد طلاقك المره الاولى
زوجك عارف انك بتحبيه وانا متأكد من هالشي واراهن عليه بس للاسف زوجك جالب للمشاكل عشان كذا ماقدر يستقر لامعك ولامعى غيرك والدليل ديونه معك ومشاكله الماليه معى طليقته الثانيه صح كلامي والانا غلطان انا متابع لموضوعك بكل دقه حتى الردود ماتفوتني وياليت ماتبخلي علينا وتذكريلنا المستجدات في المشكله عشان نفيد ونستفيد
المهم ردي السابق فيه الحلول النافعه لك حاليا وياليت تعملي به خصوصا انك حاليا مطلقة وعند اهلك وماودك تشتكين يزوجك للمحكمه التفتي لحياتك ووضيفتك واهتمي باولادك ولاتنسي يااختي الفاضله ان تهتمي بعلاج حالتك وضعيها في مقدمة الحلول وجعلي لها الاولويه قبل كل شي وربي يشفيك ويوفقك ويكتب لك الصلاح
|
(مشكلتي انه هو يحسب اني ماحبه )
نعم يحسب اني انا ما احبه والدليل اني دايم اكرر عليه كلمة طلقني وانا ابصراحة اقوله طلقني مو لاني اكرهه لكن تعبت ودي ارتاح فاخترت الطلاق
هو استرجعني لان زوجته الاولى اخلعته وهو يقول انا اتفقت مع اخوه اني اخلعها علشان ماتطالبه بنفقه وعده طبعا هالكلام ما يدخل العقل
وخصوصا انه طليقته ماخذها وهو كان مايصلي ما ادري اشلون اوصف لك يعني بالمختصر زوجته اللي تزوجها وطلقها كانت علاقته معاها بالسر وطلقها بعد بالسر هي متحرره ومن المستحيل اهله يقبلون بهذا الزواج يعني كل شيء بالسر واهله قاطعوه يوم طلقني واستنكروا حتي واحد من اخونه قال المفروض هي تطلب الطلاق مو انت تطلقها لان هو كان بذيك الفترة ماشي بطريق غلط
يعني زواجه منها بالسر ومن المستحيل يقدر يعلنه فهي خلعته وهو رجعني
طولت بسرد التفاصيل بس والله سالفة زواجه وبنفس يوم طلاقي تقهر ولا تتحملها اي امرأة
المستجدات قبل اشوي اخذ البنات يبيهم يفطرون معاه
وان شاء الله ناويه اني اروح استشارات نفسية بعد العيد
والله يكتب اللي فيه الخير