السلام عليكم
ارجوكم قولو ايش الحل....?
انا كنت تعبانه وكنت عن اهلي ارسلت لزوجي رساله اني تعبانه وأبي انام عند اهلي ...
رد بالرسالة لا
بعدين اتصل ...
رديت عليه قال امشي معي هالحين هالحين قلت ليش انا تعبانه مره وابي انام قال انا عازم رجال... >>طبعاً بالعاده الرجال يجونه بيت امه ولا عمره عزم بالشقه...
سألته وين عازمه بيت امك قال ايه..
قلت له خلاص مرني بكرى العصر تلقى اغراضك والمه ...

وفجأه انفجر فيني وبدأ يقول اهلك ماأخذ منهم شي لو اموت مالهم منه علي تسمعين ... وهالحين تجين تروحين معي تزينن الي ابي وغصبن عليك والا طلاقك ياصلك ..
قلت انتي تهددني بالطلاق طلق ...
ودام ماتبي لاهلي منه رح لمك توجب لك الرجال بيته انا مالي دخل ..
قال: " انتي ماتشرفيني ولا تشرفن اهلي " وتصلحين الي ابي وغصبن عليك ... والا ورقتك بتاصلك...

قلت له شكراً. . وسكرت التلفون و قفلته ورحت لم اهلي وخبرتهم بالي حصل ...

وفجأه جاء بيت ااهلي وعلق في جرس البيت وبدأ يصارخ على اخوي الصغير وماكان يعرف شي وقاله اخوي انا مو اصغر عيالك عشان تخانقن. .
واصر اني اطلع من البيت يكلمني رفضت اكلمه نهائي ..

اتصل علي اخوي الكبير قال وش السالفه داق علي ويقول ابيك ضروري..
قلت لاخوي السالفه وراح اخوي يتفاهم معه!!!!!!!
فجأه دق اخوي على امي منقلب علي ويقووول بنتك وبنتك الغلطانه..
يقول انه جاب المصحف يحلف انه كلام صدق .. واني انا الي ما احترمه واطول صوتي عليه واني ما اسمع كلامه
واني بس زعلانه اربع وعشرين ساعه زعلانه واني غلطت على اهله كثيييير وووووو................
فهمت اخوي انه كذب وقالي احلفي وحلفت بالله...
اخوي يحاول ينصحني وانه اذا خرب بيتي بيتشتتن بناتي وشلون ترضيين و و و و ...

امي زعلت على اخوي وقالت له ليش تاقف مع ولد الناس ضد اختك ... وزعل اخوي وسكر التليفون بوجه امي معصب ..

انا هنا انقهرت زياده وكلمت اخوي وقلت له لاتخليه يسبب مشكله بينك وبين امي ..
قال انا مالي دخل بحياتك وحياتوه .. سوي الي تبيين ..
انا تعبانه فوق ماتتصورون ..

ايش رايكم عندي شعور خوف وقلق واشياء كثييييره مو قادره اوصفها ...

ماني عارفه وش اقول ؟؟؟؟؟؟؟
علموني انا صح والا غلط والطلاق خايفه منه خايفه اندم مع اني ماحبه وابي الطلاق ... واعترفت لاخوي واهلي بهالشي
اهلي ماعلقو ...
لاكن اخوي من يوم جاء من زوجي انقلب ضدي ...
وينصحني ويقول لامي بنتك غلطانه..