أحكيك موقفين صارت لي شبيهة جدا باللي مريتي فيه وكيف فهمت زوجي وقتها

الأول:

وقت ما عينو الملك سلمان وصرفوا لنا راتبين ..
افتكرت أمي وقلت هذا الوقت اللي أرد لها فيه جزء بسيط من افضالها

سألت زوجي بكل شفافية ايش رايك كم أعطي أمي؟
قال: ألفين بالكثير !

أنا تفاجئت لأني توقعت بيقول لي مبلغ أكبر بس سكتت ونويت أزود المبلغ

رحت وأعطيتها 5 آلاف ولا جبت له سيرة !

بعدها يمكن بشهر تذكر الموضوع
وسألني:
أعطيتي أمك الهدية؟
قلت ايوة..

قال 2000؟
قلت: لا أكثر بشوي
قال: كم
قلت: خلاص ما له داعي أقول

المهم أصر يعرف فقلت له

وجهه وقتها تغير لونه وقلب 180 درجة !

قال: من جدك !
ليش كذا!!
ترا ما له داعي المفروض شي رمزي
قلت : أمي وهذا قليل مرة في حقها وتستاهل أكثر والله بيعوضني ان شاء الله

وقفلت الموضوع ما خليت له مجال يتكلم أكثر..

تعلمت إني ما أستشيره مرة ثانية لو ايش !
ان شالله لو 50 ريال !



الموقف الثاني:

قبل 3 شهور كنا مسافرين ورحت اشتريت له هدية قميصين وبنطلونين من محل ماركة قبل سفرنا

وكنت بأطير من الفرحة ومترقبة ردة فعله

لما شافها صدمني !

قال لي: ما له داعي تضيعي فلوسك على شي زي كذا وغالي وأنا ما أحتاج..

وفرض عليا غصب أرجعهم المحل ورحت ورديت كل شي واسترجعت فلوسي

هذا الموقف على انه محرج وزعلني ،

بس وضح لي انه زوجي عينه مليانة ومو مستني شي مني

بس هدفي من الهرج اللي فوق :

اني اقول لك للمرة الألف

- خليك ذكية امورك سرية..
وأي شي ما يخصه ما له داعي أبدا يدري عنه

- زوجك ما أتوقع طماع كثر ما انه حالته المادية هي اللي كانت مو مساعدته