رد: راتب الزوجة
على فكرة ..
جات فترة من الفترات زوجي يتذمر من وظيفتي لأني أرجع البيت بعده وأحيان أجي تعبانة وأنام ..
قلت له تبيني أطلع من شغلي بطلع ماعندي مانع ..
بس خلنا نعمل تجربة مثل المحاكاة .. الشهر الجاي لما ينزل راتبي أوفره كلللله وما أصرف منه ولا ريال ..
بالمقابل نعتمد على راتبك من الألف إلى الياء لمدة شهر كامل ومنه راتب الشغالة ومصروف يدي وفاتورة جوالي وكل متطلبات البيت والأبناء وغيره من الأمور اللي أنا كنت شايلتها عنه وهو مب حاس.. ونشوف إذا قدرنا نعيش براتب واحد على طول بقدم استقالتي وبطلع .. مافيه أحلى من الراحة وأنا ودي أترك شغلي أكثر منه ..
تتوقعون شنو صار ؟؟ رفض حتى إن إحنا نجرب .. .. لأنه من البداية عارف النهاية وعارف إن التجربة راح تفشل وماراح يكفينا راتبه لحاله.. ومن يومها غير رايه ولا صار يتذمر على وظيفتي أو يجيب طاري اني استقيل ..
حس بنعمة الزوجة الموظفة
التعديل الأخير تم بواسطة مــريم ; 09-07-2015 الساعة 10:22 AM