ياسبحان الله تصدقين انك تشبهيني
لكن الفرق انا اعرف الكثير ومن مختلف الجنسيات بحكم طبيعة العمل والدراسة
لكن هذا مخي ماتغير !
وهذا بالمناسبة رد على الاخت اللي تقول كثرة الاختلاط تغير... مو دليل..


وسهل استفزازي... مع اي كلمتين اطلع مباشرة ولا اكمل النقاش
واذا قال احد شيء مادري وش يقول واذا عرفت وش يقول مادري وش ارد واذا رديت اجيب العيد دائما ! الموضوع مشربك الله وكيلك


بس اكتشفت مع الحياة انه نوعيتي انا واياك مو شينة مثل ما الناس متصورين بالعكس زينة
لان المخ يصير مايشتغل بطاقته القصوى ... يعني اذكر وحدة ارسلت لي رسالة مافهمتها مرة بس احسها تسب حذفت الرسالة مباشرة وحذفت رقمها (لان مالي خلق اقراها مرة ثانية ولا لي خلق افكر واحلل بعدين ارجع ارسل لها)! هذا الشيء ينعكس على مستوى راحة البال.. والدليل يوم شفتها بعدين سلمت عليها... الخلاصة انك اذا ماحللت كل موقف بحياتك هذا يجعل منك شخص ايجابي ومتسامح لابعد حد

بعدين اذا احد سبك او اتهمك فعرضك مثل ماتقولين... لاتردين عليه...ولا تاخذين ولا تعطين معه...ولا تدعين عليه... خلاص فيه الله ... والله اعدل العادلين.. بياخذ حقك ليه تعصبين وليه تفكرين... انسى الموضوع...

خاتمة
مجتمعنا للاسف يشجع على ان الواحد يرد وينتقم ويتهجم.. يعتقد ان الشخص الناجح هو الشخص العنيد القاسي واللي يرد الصاع صاعين ... وخلك ذيب ولا احد يدوس لك على طرف ... الا خلك دجاجة والدنيا مو طويلة -تقل اني تحمست شوي - وتعوذ من الشيطان وخلك متسامح وطيب ولا تفكر كثير بسلوك وتصرف الاخرين ومصيرهم يستحون على انفسهم ويتغيرون معك