رد: كيف اصبح واثقه قويه وهاااادءه؟
اقتباس:
المشاركة الأصلية كتبت بواسطة فرح تايه ~
شكلك مو إجتماعية لأن هالأمور الواحد يتعلمها بكثرة إحتكاكه بالناس .
شوفي ياقلبي مو كل شيء يستحق الرد عليه بالمقابل في أشياء لازم تكيلين لصاحبها بنفس مكياله لأن فيه ناس قليلة أدب يفهمون التربية ضعف .. ماتربوا على الإحترام شنسوي لهم عاد!
أفضل طريقة هي المزحة برزحة، أكيد فيه أمور معينة خاصة فيك صديقاتك أو قريباتك يقطون عليك نغزات بسببها ! أوك حلوو إنتي جهزي ردوود براسك أي وحدة تقط عليك نغزة بخصوصها تصكينها بجبهتها .
أحيانا في أشياء مفاجئة وتصدمك ممكن تكتفين بنظرة حادة لصاحبتها .. أو تحرجينها بطريقة ما مثلا وحدة استفزتك بخصوص حاجة ( تضحكين بوجهها بطريقة هبلة ومستفزة وتقولين لها ماتعودنا عليك خفيفة دم ماشاءالله من متى هالكلام ؟! ) وتفرجي بألوان وجهها لو كان فيه غيركم بالجلسة
😅
لما وحدة تغلط عليك وإنتم لوحدكم لا تقولين مابي أرد عليها لأن مافيه حد معانا لا ردي عليها وأعطيها كلمتين تضرب بالعظم .. عشان تخاف تحرجك قدام الناس وتاكلها بعدين 😅
صديقتك اللي نبيهة وتعرف ترد تعلمي منها .. واحفظي لك حكم وأبيات شعر وأيات قرأنية قوية راح تفيدك في بعض الأوقات وتلجم لك بعض الأفواه !!
تابعي الشيخ عادل الكلباني في تويتر أستاذ في قصف الجبهات 😅😅 يمكن تتعلمين منه 😃
|
شكرا لك اختي فرح
كلامك جميل وفي محله
وحكاية معرفة نقاط ضعف الخصم تجيب نتيجه ونتيجه حلوه ايضا
حتى كل ما فكر يفتح فمه بنقطة ضعفك يعرف انك بتتكلمين في نقطة ضعفه ويسكت
شاكره لك اختي
__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )