المشاركة الأصلية كتبت بواسطة ام 33

يااختي هو تزوج وخلاص وانتي عديتي مرحلة الصدمه الحمدلله أسأل الحي القيوم انه يصبر حالياً فكري ترجعين كلللل شي عطيته اياه بكل هدؤ وأدب وكيد نساء لأن الخساره مو زوجك الخساره تعبك اللي عطيتيه المهم حاولي بشتى الطرق تسترجعين حقك قبل لايدري انك تعرفين أنه متزوج وباذن الله تاخدين حقك كامل. وبالنسبه لتعايش معه احسبيها زين اول شي يبي لك تبردين قلبك من ناحيته تماماً عشانك انتي بس. فكري بنفسك قبل كل شي وبعيالك. اصبري عشانهم بس لأنهم ياعمري يحتاجون اب ع الأقل بيت ومصروف. اعتبر زوجك صراف آلي وسوواق وعيشيي حياتكم اطلعي انبسطي مع عيالك قد ماتقدرين ولاتهتز ثقتك بنفسك لأن الرجال غالباً مايتزوج لتقصيرك العكس شاف الحياه معك حلوه ويحسب أن كل النسوان زيك فجر حظه مع الثانيه وترى مرده لك كل التجارب اللي حولي يتركون الثانيه ويرجعون للأولى يكون يحلم أحلام واذا تزوج الثانيه يصحى ويندم ويطلق الثانيه ويظلمها بعد. فكري بنفسك وسعادتك واذا شفتي انك بتمرضين ومو قادره تصبرين أبد أسألي شيخ لأنك متضرره من زواجه. والصبر زين فديتك وزوجك مو كل الدنيا الله يسعدك.