رد: لأخواني الرجال سوال
وش هالديباجة اللي الحريم طالعين فيها ذي الأيام ؟ كل ما واحد تزوج على مرته قالت منو هاذي اللي ترضى على نفسها تتزوج للفراش ؟ على أساس الفراش بس للثانية والثالثة والعاشرة ؟!! غريب أمركم والله ! أجل كيف جبتي عيالك وانتي مستهجنة هالموضوع ومتقززة منه ؟!!
زوجك فيه من الخير الشيء الكثير مخليك يمكن عشان خاطر عياله مايضيعون ولا يشتتهم وبحكم إنه إنسان متعلم وأستاذ جامعي وله برستيجه ف مايبغى عياله من بيت لبيت بين أمهم وأبوهم، وعشان خاطرك إنتي بعد ما كنتي معززة مكرمة في بيتك ماترجعين عند زوجة أبوك وغثاها . وعشان خاطر أختك وأخواته اللي مرتبطين فيكم ( الظاهر إنكم عائلتين متزوجين من بعض ) .. جزاه الله خير فكر فالأمة هاذي كلها ..
إذا لك خاطر في زوجك توددي له وحاولي تعالجي الأمـور إذا فيه خطوط رجعة لا تقطعينها بكبريائك، لو زوجك ما يهمك ولا يعنيلك ما كنتي انقهرتي لزواجه ولا حرك فيك شعرة، الإنسان مايزعل إلا من الشخص اللي يحبه وإنتي تبغي زوجك بس واضح إنك مجروحة وعندك تراكمات عشان كذا تكابري .
سعادتك بيدك إذا زوجك خارج حساباتك عيشي وانبسطي مع عيالك واحمدي الله إنه متفهم، إذا تبغي تصلحي أمورك صلحيها لا هو عيب ولا حرام هذا حلالك وأبو عيالك .
__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔