السلام عليكم
أولاً أحيي أختي ريف الأشواق
وأخي شاطىء الراحه على نصايحهم في هذا المنتدى
والله يكثر من أمثالهم

ثانياً أخي القلب الحزين
مشكلتك نفس مشكلتي
ولكن أنا للأسف علاقتي علاقة حب قبل الزواج 7 سنوات
ولما تزوجتها بعد 9 شهور سفرتها حف أهلها زياره
وقالت لي ماأبيك طلقني
وألحن لها 4 شهور ونمشي في الخامس لاحس لا خبر
والله البنات ألحين ماعندهم أي إحساس كيف يتعب الرجال
وايش اللي يصرفه على شان يوفر لهم الراحه
وفعلاً كأن الزواج لعبه باأزرار
زر تزوجني زر طلقني ؟!!
والله كرهت الزواج وكرهت سيرته
من كثر ماأشوف قضايا الطلاق وعلى أتفه الأسباب
قضايا الطلاق في بلدانا أكثر من الزواجات
حسبي الله ونعم الوكيل
قضايا الطلاق في المحاكم هذا غير اللي ماراحو المحاكم
وللأسف الأهل بعد مافيهم واحد حكيم أبد
في صف البنت حتى لو كانت ظالمه ؟!!
مافيه أي نوع من الإحترام أو التقدير على شان يكون فيه نوع للتفاهم
سبحان الله أنفس الناس صارت تعبانه نسأل الله العافيه
الكل صار يزعل بكل سهوله بحجة كرامتي ؟!!
الزعل صار عندنا كالسلام عليكم لاحول ولا قوة إلا بالله
الله سبحانه جل في علاه خلق الدنيا والحياه حلوه
بس إحنا الناس اللي في الدنيا نحب المشاكل والقلق
ياليتنا نتفنن في الإعتذار مثل ماتفنن في الإساءه والتجريح
كثير تشوفهم باأهل البنت تقول الحمد لله فيه من أهلها طيب
ومن تصير المشكله ياااااااااااااااااااااا إلـهي عينك ماتشوف إلا النور
تشوف كيفية الإبداع في التعذيب النفسي والتجريح
تستنكر وتقول ايش هذ
لا رحمه ولا شفقه نهائياً

الله يعينك ياخوي القلب الحزين
والله ماراح تحس فيك ولا في أي شي أنت سويته تأكد
أقسم لك بالله العزيز الحكيم إذا عطاك القدره
وجلست على ركبتك وقلت حق زوجتك ركبي على ظهري
ووديتها القمر وجلستو هناك ورحتو عند الشمس شمستو
ومريت على زحل وقلت لها هذا زحل وهذا المريخ وهذا المشتري
ووديتها حافة الكون ورجعتها
وأقسم لك بالله إنها راح تقول لك بعدين أن ماسويت لي ولا شي
هذ إذا أصلاً تذكرت لك هذا الشي أساساً
تأكد من هذا الشي أخوي

الله يعينك
لاتفكر إن الوحيد
أنا مثلك غدرت فيني وكذبت علي وصدمتني
ولا فكرت في أي شي معاها أبد
ولا التعب اللي تعبته ولا المرض اللي أنا مرضته ولا شي
أسافر على شان أخلص أوراق الزواج وتخيل كل هذا التعب اللي تعبته
ولا كأني سويت أي شي نهائياً وصرت أسوأ ماخلق الله توها تعرف ؟!!
والـ 7 سنوات اللي متعرفين فيها من قبل وين رااااااااااااااااااااحت ؟!!

لاحول ولا قوة إلا بالله
والله يعينك أخوي القلب الحزين
قالها الرسول اللهم صل وسلم عليه :
(( يكفرن العشير والعشره ))
حسبنا الله على كل ظالمه ظلمت زوجها
حسبنا الله ونعم الوكيل