رئيس هيئة الأنشطة والتميز
تاريخ التسجيل: Aug 2014
المشاركات: 1,015
رد: كيف تتعاملون مع المساعده المنزلية ؟
.
وعليكم السلام ورحمة الله وبركاته
لبسهم قميص بحجاب.
التزيين مرفوض من مكياج وغيره ؛ لأنها تبقى أجنبية ويوجد في المنزل رجال فما يجوز.
يسكنون معنا داخل المنزل بغرفة خاصة.
المأكل والمشرب مساحة مفتوحة على راحتهم ويطبخون متى مايريدون وإن كان عشانا مطعم حسبناها من حسابنا طبعاً.
اذكر عاملة عندنا راحت اتصلت علينا بعد مدة تسلم وتسأل عن الأخبار وذكرتنا بجميل أنو أنتوا ناس طيبين هنا في المكان إللي أنا فيه من كلامها كل شيء من راتبي اعيش على راتبي حتى الصابون أو الشامبو من راتبي الخاص كل شيء محسوب من راتبها تمنت ترجع عندنا (رغم أنزعاجها في الأيام الأخيرة - حتى أمي قالت مايعرفون الخير إللي هم فيه إلا إذا راحوا لناس تعذبهم).
تواصلها مع أهلها بحسابها ووقت ماتبي.
حالياً تكلم من جوالي جوالها يحتاج شريحة وحنا مفضلين أنه مايكون معها جوال حتى ماتنشغل عن شغلها ويخربها ، لأن مررنا بتجارب عانينا منها بسبب الجوال ماوراه إلا الخراب.
إذا طلعنا مكان لازم مرافقتنا مستحيل نخليها بروحها في البيت مهما كان وتطلع تتنزه معنا ونشري لها ملابسها واحتياجاتها من جزمة وانتي بكرامه وغيره.
يوم مفتوح لا.
التلفاز نظامها غير مهيئ للمتابعة ، ممكن تجلس معنا وقت يكون مافيه إلا احنا البنات ، والعاملة هذي إللي حاليا قليل ماتجلس معنا همها شغلها الله يحفظها.
العاملات تعاملنا معاهم بكل تواضع ونحترمهم ونقدر غربتهم وابتعادهم عن أهلهم نحزم معهم وقت تراخيهم عن مهامهم ونراعي تعبهم وقت مايكون فيه عزايم والشغل كبير لابد نكون معهم.
المشكلة العويصه: لا حد يجمع عاملته مع عاملات وخاصة المدمرين
احنا نعاااااني كثير من هالمشكلة يجون في البداية عسل وماشين كويس مايأخذون كم سنة إلا وهم نفسهم في خشمهم ونافخ ريشهم ماينفعون ابد للاجتماع كل واحد بيحد الثاني.
وخاصة هالمرة حنا مرتاحين لها ماشاءالله وفي الشغل شاطرة لكن حاليا في الايام الأخيرة خفت منها رغم إنها طيبة وشكلها على نياتها (هذا إللي ينخاف منهم 😠
بسبب حلومي فيها الله يهديها وقمت احط احتمالات فيها للوعي على وجود ضرر ما.
هي تقريباً كل أسبوع تجتمع بعاملة أهلي وهذي عليها حركات الله يستر عليها ، وتحكي لنا عاملتنا أحيان عنها بإن تقولها كذا وكذا زي مثلاً عاملتنا كل يوم تغسل ملابس وعاملتنا السابقة لا تكدس ملابس شكثررررها 😱 جبل والله ماكذب وغرفتها درااااازن ملابس تعبت أمي معها صايرين حريم رجل من كثر المناغر عاد أمي حارة أشوي كل شي تبيه تمام وماشي زين ، عاملة أهلي قالت لها ليه في غسل كل يوم غسل بعد كم يوم مدري كم حددت لها هذا عاملة أول كلو هذا ملابس ردت عليها لا أنا مافي يبي ملابس يصير كثير لازم يغسل اشوي اشوي ، هي تعجبني انها ترد عليها ما تطاوعها ، فوق كيذا عاملة أهلي مهملة لبيت جدتي الله يهديها وخالاتي فوقها وأمي وراها وراها تعدل تنظف لأن فشله يجون لجدتي وبيتها غير نظيف ، وحنا نفكر عسى بس لا تجيب لأمي بلاوي ، أنا بعد الحلوم قمت اتحذر.
نظامنا معها
تصحى الصباح ثمان تنظف الأرضي ودورات المياه
الظهر هي تغسل الملابس وتكويهم وترجعهم
العصر مدري وش تسوي مرات يكون فيه غداء على حسب الوقت تنزل في وقت الغداء وإذا خلصت غسيل ترقى
المغرب تنزل تشيك وترقى
الساعة ع العشر تقريباً لابد تنزل تشيك على المطبخ قبل لا تنام
وتنام عاد هي 11 ، 12 مدري عنها
بس عليها تنظيف البيت
ماعليها طبخ ولا أطفال
ماشيين معنا طيبين ومحترمين بس قريب تنتهي مدتهم تطلع مناغيرهم 😁 مدري شالقصة شكل نفذ صبرهم 😆
.