رد: كيف تتعاملون مع المساعده المنزلية ؟
* اللي عندي تلبس يونيفورم
* تلبس حجاب، لا طبعا ماتوصل للمناكير مرة أووووفر كذا ! أصلا أعتقد الخدم شايلينه من حساباتهم وعارفين إنه مرفوض رفض قاطع.
* أكييد ساكنة داخل البيت في غرفة خاصة ومرتبة من أفضل مايكون .
* لا طبعا الأكل معطينها فيه كامل الحرية تأكل قد ماتبغى ومتى تبغى وغالبا هي تااكل من طبخي اللي يتم بمساعدتها، لكن فيه أوقات تطبخ لنفسها أكل خاص . مافيه شيء اسمه بس الوجبات الثلاث هي مو بمستشفى ولا سجن ..
* عمرها ماطلبت لنفسها بشكل خاص من مطعم، دائما لما نطلب أنا وأختي أو نشتري أي شيء حتى لو شوكلاتات من السوبر ولا حلى من محل ناخذ لها نفسنا بالضبط على حسابنا .
* أجهزتها عندها تكلم اللي تكلم متى مابغت طول ماهي فاضية وماعندها شغل، وإحنا نشحن لها بمية ريال شهريا على حسابنا . مازاد عن ذلك فهو على حسابها .
* ماعندها يوم مفتوح أبد، ما أخذها معاي دائما ساعات أخذها إذا رحت الممشى أو البحر في الليل للمشي .. وبين فترة وفترة ناخذها أنا وأختي لتشيلز ولا روبي تيوزداي وغييره من المطاعم الأمريكية .. تعجبها مرة .. وهذا من باب الرحمة بها لأن أنا عارفة إنها تطفش في بيتنا ماعندها ذاك الشغل .. وغيير كذا تشوفنا أنا وأختي نطلع وهي لوحدها في البيت ف نسد نفسها شوي .. مع العلم إن هالشيء ماكان يصير بحياة أمي .. تقدري تقولي نظام استحدثناه أنا وأختي 😃
* أخذها معاي دائما يوم التقضي للبيت من السوبر ماركت منها تساعدني ومنها أخليها تشتري لها أغراض شخصية شامبو معجون ديودرنت وكم شوكلييت .
* التي في موجود قدامها بس مانمنعها منه بس أحس ماتميل له النت ساحرها 😅
* إن شاءالله إننا وفرنا لها كل اللي تحتاجه وأشوف نفسي أفضل من غييري بكثيير في معاملتها ... فيه ناس يضطهدونهم ويشغلونهم 24 ساعة كأنها ماكينة من جد الله يصبر خدمهم و ياويلهم من الله على سوء معاملتهم ..
* الحمدلله كل اللي مروا علي من خدم من حياة أمي الله يرحمها للآن كانوا جيدين .. صحيح فيه بعضهم مايبين في عينهم وأخلاقهم سيئة ومايقدرون النعمة لكن مابي منها حاجة يكفيني إنها تروح بلدها وماضرتني بشيء ..
* في نهاية خدمتها غالبا نشتري لها هدايا إذا كنا مرة نحبها وخدمتنا بعيونها وماشفنا منها إلا كل خير، مثلا إذا كان عندها أطفال نشتري لهم ملابس بعمرهم وكم لعبة حلووة ومفيدة .. وهدية خاصة لها خاتم أو سلسال ذهب مع كم لبس بناطيل وتي شيرتات ومكياج خفيف وووهكذا من اللي تحتاجه كل أنثى .
__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔
التعديل الأخير تم بواسطة فرح تايه ~ ; 24-07-2015 الساعة 01:17 AM