اختيار الانفصال كحل اول وبهذي الطريقة هو الضعف بعينه..

انتي ايش سويتي قبل كذا عشان تغيرين من وضعك؟ مافي شي يجي بالساهل

ولافي شي يجي دفعة وحدة..

استخدمي دهائك.. الطلبات المباشرة ماتنفع مع كل الناس..

اذا فشل معاك اسلوب او طريقة جربي غيره وغيره وغيره لين تضبط معاك..

مو شرط يجيك كل شي حتى لو تعبتي.. لان هذي الدنيا..

اول شي تشتغلين عليه مع زوجك قبل السفريات والطلعات واهلك هو الاحترام.. شلون تتناقشون باي بينكم ومافي احترام؟

الحياة بدون احترام هي اللي تنعاف.. مو اللي مافيها سفريات وطلعات وشغالة.. مو تقليلا منهم ومن حاجاتك لكن وارد جدا ان مشاكلك معاه هذا سببها الرئيسي..

ثاني شي طريقة الحوار والنقاش.. فيها خلل كبير

اقلها انك تشيلين عليه وتسكتين وتجمعين تجمعين لين تلوع كبدك منه وماتطالعين بوجهه

لو كلمتيه وفرغتي "على الاقل" خف معاك كل هذا

وكان ممكن يعرف من الحوار والكلام اهمية كل هالامور بالنسبة لك.. طبيعي اذا وحدة سابطة وساكتة ماراح ينعرف اللي ببالك.. حتى لو اسلوبه معاك جدا غلط

بالنهاية هو مايعيش بمخك عشان يعرف

و على كذا اذا مابينكم لا احترام ولا حوار.. شلون تتوقعين او تتخيلين حتى ان ممكن يكون في قرب عاطفي بينك وبينه؟؟

المرض النفسي اذا مافرغتي ولا تكلمتي انتي اللي بتجيبينه لنفسك مو زوجك..

كثيير من الامور بتتضح لك مع القراءة

بعد هالشيئين بيكون كل شي اسهل من كل النواحي.. رتبي اولوياتك

__________________

اختلافي عنك لا يعني اختلافي معك