اقتباس:
المشاركة الأصلية كتبت بواسطة ولد الشايب1
أختي طعن قلبي ما ضيع الاخوات هنا إلا التعزيز اللي في غير محله ..
اللي تقول هو الخسران واللي تقول لا تسكتين واللي واللي .. وإذا تأملتيها بعين العقل وش يخسر . راحت مرة ويروح ويجيب بدالها 10 لكن فرصك أنت كم وإذا جاء وش التبعات القاتلة من تشتت أطفال و و .
يا أختي ابلعي العافية وتنازلي عن اللي براسك وشوفي الإيجابيات وإذا السبيات مش قاتلة ولا مؤثرة جدا مثل خمور او مخدرات أو ترك صلوات أو غيرها من الكوارث ف وش اللي مكبر موضوعك .
حسب فهمي إنك من النوع اللي يتغلى ودليلي إنك مستغربة بروده وهدوءه وسرعة استجابته لطلب أهلك يعني كأنك تبينه يتمسك بقوة .
أختي اعقلي وبلاش حركات حريم مالها داعي ولا أحد يخدعك ترى أنت الخسرانة مو هو أو بالأصح الخاسر الأكبر الأاولاد .
ليت مبتعثة تجي ترد عليك ما شاء الله عليها .
أنت الأن أثر فيك سهولة استجابته لطلب أهلك ، كيف إذا جابوا ورقتك وأغراضك ثم جيت هنا مرة ثانية تكتبين وتبكين حنيت وونيت لطليقي . وش نقول ساعتها
مثل الأخت مطلقة حامل كان الأخوات يعززن لها وكبرن راسها لا تتنازلين وكرامتك و و و وكان رأيي مع بعض الأخوات العكس .
ويوم طب الفاس بالراس اعترفت بأن كأن على عينها غشاوة .. طيب وين اللي كانوا معها لا تكلمينه وصكيه بلوووووك و و .
رأيي وأنت حرة اتصلي عليه بلا كرامة بلا زفت ( ما بين الأزواج كرامة إلا في حدود ضيقة جدا جدا ) ,
وقولي تعال بنتفاهم وأنت أصلا مقررة الاستجابة لكل طلباته ما دامت عادية وطقاق فيه خليه يفهم إنك خايفة منه وإن طاح اللي براسك يوم جات سيرة الطلاق وش بيصير يعني .
بقاءك معه أنت الكسبانة مع عيالك . وطلاقك أنت الخسرانة مع عيالك .
ما دام ما فيه من المؤثرات شي . اعقلي عشان عيالك .
والسلام 
|
اكثر وحده ممكن سكتت ع اشياء ماتنسكت عليها ممكن انا😒
اخوي عاذرتك شكلو مو متابع مواضيعي سابقا..
صدقيني ي ااخوي لو هو فيه محبه بس لعياله سابقا وكان مايعطيني ولا حق من حقوقي
تتخيل ممكن ارضى واعيش ..
مو متندمه ع الطلاق
قلتها سابقا انا كاره طلاقي ايوا نعم
بس مابيدي شي
استحالة العشره فيما بيننا..
واذا ربي قدر له يجيب عشره غيري انا واثقه ان هالعشره ولا وحده فيهم بتكون بمثل اهتمامي السابق وحرصي عليه الشديد ولا بمحبتي ولا بصبري له ولا بشي هو الخسران اقولها بثقه
وعدم الاستمرار ماهو الا عدم خير له ..
بقائي انا الخسرانه انا وعيالي
وطلاقي انا الكسبانه ...
وبالنهايه هاذي اقدار الله وانا انسانه ان شالله مؤمنه بما كتبه ربي لي
حزني ع نفسي شي طبيعي وان شالله شي وقتي ويروح
واليوم انا افضل بكثير من امس واتحمد ربي كل شوي
فالحمدلله
__________________
(سيدة الموقف)
لم ننساك ونسأل الله ان تكوني أنتي وأولادك بخير
