المشاركة الأصلية كتبت بواسطة ثبات

لان الحياة تغيرت
زمان كان سهل يوم كانت حياة الناس بسيطه
البيوت عباره عن غرفتين ولا ثلاث بالكثير والمدرسه جنب البيت
ان طلق الرجال المره بنالها ابوها غرفه بحوشهم لمت عيالها فيها
واكلهم من ابسط البسيط خبز وجبن ورز بلبن
يعني لو يصرفون باليوم عشره ريال على الأكل يعتبرون مرفهين
والهدوم من عيد العيد
وزين كان قعدت اصلا ماتكمل السنه الا وذا يخطبها وذا يخطبها
وان تزوجت بيت ابو عيالها بنفس الحي تقدر كل يوم تطل عليهم
اصلا يومهم كله بيكونون عندها
من يوم ما ظهرت المدنيه وترفّهت الحياة صار كل شي فيها صعب ومرهق
كل المشاوير بالسيارات
السكن بفلوس
والمدارس طلباتها ماتنتهي
والاكل والشرب غالي
واللبس صيف وربيع وشتاء
حياة مكلــــــــــــــــــــــــــــفه جدا
صعب الأم تمشيها بروحها لابد من وجود الرجل عشان يسندها
عشان كذا لو تطلقت تعتبر مصيبه عليها وعلى عيالها
فتفضل الصبر على انها تواجه كل ذاك بروحها
نفس الشي بالنسبه للرجل لو طلق بيفتح بيت ثاني وبيكون بنفس الوقت مسؤول عن عياله
والبيوت بعيده و و و
ليت الحياه ظلت ببساطتها كان ماقلنا الطلاق مصيبه