كبير المراقبين [ وسام العطاء الذهبي 2016 ]
تاريخ التسجيل: Jun 2012
المشاركات: 10,291
رد: كوفي شوب الصبايا (3)
بونجوركن يا قمرات 😙😙😙😙😙😙
والله اشتقتلكن كتير كتير
بس اذا بفرجيكن شكل البيت خرابة من الدهان والعفس وكل شي على بعضو وحالتي لا تسر يا بنات 😂😂😂😂😂
اشراقة حبيبتي العمر كلو ومؤيدة كمان ربي يحفظكن لاحبابكن
تعوا يا مواليد شهري انا كمان من تلات ايام وما تصدقوا كيف كان من الصبح واتصالات ورسائل وماما حبية قلبي قالتلي يا ماما انتي مش تاريخ ميلادك مرتبط بتلات اعياد بل وقت خلقتي بلشت الاعياد
عنا بلبنان كان مناسبة عيد الجيش ب 1 آب
وهون بسويسرا كان عيد سويسرا وعلى مفرقعات حكمني صداع اتعودت عالهدوء وخلقاني بعيد الفطر انا شو بدي احسن من هيك هههه
وبالفعل بعمره ما كان المال بالنسبة الي ثروة بل محبة الناس اكبر ثروة وشو بدي اطلب اكثر من هيك
وزين وانا عم اقرأ ردك ضحكت وصوت ضحكتي ارتفعت اتخايلت عم تفصفصي فروج على هالمساج هههههههههه
مهورتي زعلت على زريعاتك انا بعشق الزرع كتير
بلكونتي هون صغيرة بشكل متر ب تلات امتار حاطة عليها عريشة عنب وطالع عليها حصرم عم اكل منهن مع ملح يمي يمي
وشجرة صغيرة مشمش جبتها خصوصي لاكل المشمش هوي واخضر مع ملح
وشجرة صغيرة كتير كمكوات
وشجرة بتجي شبرين كلمنين
بس لخلص دهان البيت والاثاث
بدي اتفضالها وجيب ورد وحط فوانيس بقلبهن شمع وهيك قصص هههههه
وقبل كنت زارعة بحوض صغير بقدونس ونعنع وبندورة وريحان
بطل عليهن وبهتم فيهن اكتر من اهتمامي بالاولاد هههههه
شوك حبي نصيحة لوجه الله انا مريت بفترة اتصفح بمواقع التواصل او اي شي اخبار حزينة ومؤلمة كنت اتأثر وابكي لدرجة كأنو الحدث صار معي وحكمني اكتئاب
صرت بعدين اي شي كوميدي احضروا لرفه عن حالي واكسب طاقة ايجابية
واي شي بسمعوا او بقراه بضحك عليه ياااي شو بخليني سعيدة
ندوووش تورتي الكوفي حبيبتي
اشراقة على سيرة الطقس الحار في موجة حارة اجت على لبنان يااي شو عم يصير فيهن
اختي بتضل كل يوم يا نهر يا بحر مين ما راح بتروح معهن يوم مع اهلي ويوم مع اصحابها ويوم مع بيت عمي ويوم مع جيرانا
ما بتبعتلي صور الا وهيي عالنهر او البحر
وبلبنان ما خلوا كاريكاتير عن الطقس الحار الا ما عملوه
صبايا جميعا ان شاءالله كلكن بخير 💝💝💝💝
💗💗💗💗
💞💞💞💞💖💖💖
__________________
اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه