طلقني زوجي { المستشارة الصائمة لله }*
السلام عليكم ورحمة الله
مشكلتي باختصار كالثالي تزوجت على معرفة بزوجي دامت لثلاث سنوات ونظرا لكونه مبتدئ في الشغل وعلى قد الحال اهلي رفضوه ما عندو بيت... فتلات سنين وهو مصر على الزواج بي وويقلي اقنعيهم
المهم اخيرا وقفت بوجه اهلي وتزوجتو مع انو في الفترة لي كتبنا فيها عقد الزواج كان موقوف من الشغل اول مكتنا العقد اشتغل شغلانة كويسة
اول ما اتزوجنا معملتش عرس لظروف عائلية زوج اختي كان مات فهديك الفترة وولادو يتامى كانو عايشين معانا فما حبيت اعمل عرس واجرحهم رحت لبيتي مع زوجي ومن يومها واحنا فمشاكل مع امو
كل ما اروح عندهم تسمعني كلام.حملت وكانت فترة الوحم صعبة عليا ولما وصلت للشعور الاخيرة كنت بتعصب من كثرة مشاكل امو كل ما اروح عندهم ومجبرة اروح دايما لان زوجي متعلق باهلو تسمعني كلام ما اجاوبها وارد لخاطري وامرض لحد ما جاني ضغط الحمل وولدت على تمن شهور ونص وابني فضل فالحضانة ستيام ومات
المهم حصلي اكتئاب ما بعد الولادة ومرضت ومع دلك ماحد ما وقف معايا الا ربنا الحمد لله
وام زوجي عملت معايا مواقف وابني ميت زادو مرضوني
المهم عدها بست شهور حملت ووقعلي اجهاض بالشهر الاول
بعدها باربع شهور حملت الامور مع زوجي عادي مشاكل زي كل الناس وصلح وهو يحبني وانا احبو فاخر حمل وقف نبض الجنين على تلات شهور وكنت باخد دوا عشان ينزل ما نزل عملت كل التحاليل وقالولي ما عندكم ولا مشكل والسبب غير معروف....ماتت جدة زوجي رحنا للعزا جلست مع ناس من عائلتهم ما اعرفهم فسالوني انتي مين قلتلهم انا مرت فلان قلولي فلان لي كان واقعلكم مشكل جبتو ولد قبل الزواج انا صراحة ضايقت لانو قدف محصنات وانا والله ما جبت ولد ولا كان بيني وبين زوجي علاقة محرمة قبل زواج كل لي كان بينا تلفون وكلام عن الزواج
المهم مقلتش حاجة فالعزا لما جيت للبيت قلت لزوجي شنو قالو عنا وانا ببكي ومقهورة قام هو اول مسمع الكلام اتصل بخالتو خالتو تصلت امو وكبر الموضوع وكان رمضان.رحت عند حماتي نفطر اول مخلص لفطور جات عندي وزوجي جالس وانا مريضة اصلا نفسيا محطمة تالت حمل بيفشل الحمد لله.قالتلي مالك حكتلها شو قالو فقالتي احسن فيكي انتي مش كويسة وبتروحي تجلسي مع ناس مش كويسين الله يحشرك معاهم.,انا جاوببتها عصبية ما سبيت بس كنت بدافع عن نفسي وزوجي جالس يتفرج اول هي متكلمت حبيت اطلع واخليها عشان الامور متطورش ومخلونيش هما لتنين زوجي وامو المهم في الاخر فضلت تدعي عليا بالطلاق وتسب وتشتم فقالي زوجي يالله لبيتنا اول موصلنا قاليا لمي هدومك وروحي كل واحد فطريق كانت الساعة اتنين ونص بليل
جاو اهلي ورحت معاهم....
المهم بعدها رحت لدكتورة قالتلي لازم تشيلي البيبي زوجي كان يتصل بس عشان يحكي على الطلاق الليلة لي حشيل فيها الجنين بليل اتصل قالي كنت عند محامي عشان الطلاق وانا معصبة ومريضة اخر شي رحت انا واخويا واختي عملت عملية اجهاض طبي ببنج كلي وزوجي مجاش حضر لما حصل المشكل ييني وين امو وطلعني من اليت اليوم التاني رحت لعندو لببيتنا بكي وبترجاه ما يخليني وبقلو انا عاوزاك وعاوزة بيتي وبوسل ليه ميخليني ومع دلك قالي لا انا اخترت اهلي وامي
المهم بعد كل هالشي قررت ما اكلمو تاني عملتلو لوك عالتلفون والواتس اب والفيس فبعتلي رسالة قالي انتي طالق
بعدها بعتلي ناس عشان نطلق بالتراضي ووافقت عشان قول ربنا ولا تنسو الفضل بينكم محبتش اجرجرو في المحاكم ... وحاليا انا مطلقة شرعا وقانونا لسة في الاجراءات
مشكلتي انو كل ما اتدكر شو صار احس بالقهر وكل امنيتي انو يندم وحاسة بالظلم ومش عارفة ضايعة وحاسة بالفشل
rfegr
التعديل الأخير تم بواسطة رائحة البخور ; 06-08-2015 الساعة 06:52 PM