منتدى عالم الأسرة والمجتمع - عرض مشاركة واحدة

07-08-2015, 07:11 PM

#713

مهره

عضو المنتدى الفخري

تاريخ التسجيل: Aug 2003

المشاركات: 17,491

رد: كوفي شوب الصبايا (3)

اقتباس:

المشاركة الأصلية كتبت بواسطة الإشراقة!

مهرة دام خططتوا مستحيل فجأة كدا يكنسل

اصبري عليه شوي كم يوم وبعدها أسأليه، من حقك تعرفي

اقتباس:

المشاركة الأصلية كتبت بواسطة ملكة الآحساآآس

مهره مفروض تسالينه خلاص واعدك ليش يتهرب ويضيع الموضوع

عزيزتي السفر يقرب ومايبعد بين الازواج وبترتاحون ونقاهه فعليه

شكله التعبير خانّي.

إحنا فعلاً كنا متفقين نسافر .. لكنه ما حجز ولا رتّب شي.

مع إنه لما كان في الدوام الأسبوعين اللي طافوا كان كل فترة إما يدوّر مكان مناسب .. أو يسألني وين أبا أروح.

كانت في رحلة بحرية تمر على بعض بلدان أوروبا .. لكنه ما حصّل حجز يوافق وقت إجازته .. وقبل ما يرجع بشوي سألني: شو رايج في بولندا؟

ورغم إنه ما حجز ولا حتى وصلنا لقرار وين بنروح .. لكنه آخر أيام دوامه قال لي أقول لاخته إن احنا خلاص بنسافر في إجازته لما يرجع. (اخته هذي هي اللي بتشرف على اليهال خلال غيابي)

واليوم بالصدفة كان في برنامج سياحي في التلفزيون .. وكانوا يتكلمون عن بولندا .. وناداني زوجي عشان أشوف معاه .. وأثنى عليها وقال فعلاً شكلها حلوة وما فيها زحمة عرب وخليجيين وايد.

يعني الفكرة في باله ومب مطنش.

ومع ذلك ما أستبعد أنه يأجل السفر .. أو يلغيه هالسنة.

بخصوص إني أسأل .. فأنا فعلاً سألته أكثر من مرة لما كان في الدوام .. عشان أرتب نفسي من ناحية .. وعشان أقدر أعطي أخته تاريخ محدد .. عشان هي بعد ترتب جدولها وأمورها ..... فأحس السؤال أكثر من جذي مب حلو ....... برستيجي قال لي: ستوب.

من ناحية ثانية .. أمورنا مستقرة إلى حد كبير .. وهو يقدم لي اهتمام ومداراة وعطاءات في نواحي أخرى .. معنوياً ومادياً .. يعني لو انلغى السفر فما أقدر أعتبر السبب تطنيش أو إهمال أو إخلاف وعد.

على كل حال .. أنا كنت مأجلة تجديد اشتراكي في النادي إلى ما بعد السفر ..... فإذا ما سافرت باجدد الاشتراك من الحين واستأنف البلبطة في حمام السباحة.

__________________

اللهم طِيبَ الأثر .. وحُسْنَ الرحيل.