عزيزتي فال اخضر ربي يفرج همك ويريح بالك
ويلهمك الى الخيار الصحيح
متل ما سبق وقالولك الاعضاء ربي يسعدهن دنيا وآخرة
ويجعل حروفهم في ميزان حسناتهم
تمعني بكلامهم ونفذي اقتراحاتهم على ورقة
وبعدين ارجعي اقرئي شو كتبتي بتعرفي شو بدك وشو رح تختاري
خيار العيش عند الاقارب استبعديه نهائيا
بيبقى عندك خيارين يا انك تشيلي فكرة الوظيفة حاليا الى ان يرزقك الله بواحدة في منطقتك وبجانب اهلك

واما ان تقبلي في هذه الوظيفة واعتبار ان الحياة ليست سهلة ان كان بالوظيفة او بدونها
ومثل ما يوجد سيئات في قبول وظيفة بمنطقة اخرى يقابلها حسنات

مثلا رح تصقلي من شخصيتك وتقويها

رح تصيري تعتمدي على نفسك ولاي سبب من الاسباب والظروف رح تبقي متماسكة

رح تاخدي دروس مؤلمة ولكن رح تنفعك على المدى البعيد

رح تعرفي شو معنى الاستقلال والاعتماد على النفس
رح تعيشي لحظات حلوة رح تبقى محفورة بذاكرتك

رح تصيري توضعي مخططات وتعملي برنامج لحياتك

رح تحسي بلذة كل انجاز حققتيه

هيدول كلهن بتقدري تحققيهن اذا كان لا بد من قبولك الوظيفة

بس الاهم تعرفي شو بدك وتعرفي انو الحياة امتحانات وتحطي هدف انك قد هالشي
ومهما كانت لديك من افكار عن العرف واشيا بتخص الانثى
حطي قاعدة انو البنت اللي بتعرف شو بدها وشو عليها ما بتنجرف باي تيار

والاهم من هيدا كلو انك تستمتعي بكل لحظة بحياتك وتعتبري اي شي عم تقومي فيه او رح تمري فيه تجربة جديدة بتضيفيها لرصيدك بهالحياة واللي رح تزيدك خبرة وثقة بنفسك
أسأل الله ان يسعدك دنيا وآخرة
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه