اقتباس:
المشاركة الأصلية كتبت بواسطة Neat Man
الأمر يعتمد على ميولك وتوجهك
مثلاً لو أنا في مكانك، ولدي أولاد، ولا عندي مشكلة بالوقت، فبالتأكيد باختار الخارج
إذا كانت عندك حسابات أخرى، وفيه إمكانية تكملي هنا، مايمنع ذلك.
الأمر راجع إلى تقييمك
|
اخوي نيت مان
أكون صريحة معاك
اخاف على زوجي من الغربة ( عالاقل لانه ابو الاولاد )
هو جالس يتصلح ماشاء الله و يتحسن .. و واضح جدا التغيير عليه ..
صح الفساد هنا و هناك
لكن هنا هو مشغول بوظيفته 12 ساعة و 10 ساعات ينام فيها
و ساعة يخرجنا برة .. و هنا يعطيني مصروف و يتحمل المسؤلية معايا و يمسك الاولاد معايا
ما كان كذا .. و خلاص تعلم درس و بيسعى لاصلاح نفسه
و في يوم إجازته بأشغله معانا و مرات يسهر مع اصحابه و ماعندي مشكلة
و بدا يقلل السهر بشكل كبير .. و يحاول يترك التدخين و بدا يعتمر و يقرا القران مرات
و يوم إجازته ينشغل مع اهله مرات و كم مرة يحاول يطنش أمه و ابوه بسبب التكاسل
و أقوم أشجعه و يتاثر و يسمع الكلام .. اقصد لو ابوه عنده موعد مستشفى و تعبان
او يبغى يروح المسجد و ما يقدر يسوق لانه كبير في السن
هنا عندي شغالة .. شايلة عني شغل البيت ..
و ممكن اخرج مرات مع زوجي لوحدنا ( هو كذا يحب و ما يحب يرتبط بالأولاد 24 ساعة )
ما يقصر معاهم .. بس مرات يبغاني اتركهم و نخرج سوا ..
هناك راح يكون زوجي فاضي 24 ساعة .. و راح تبدأ تصير مشاكل بيني و بينه
و ممكن ننفصل لا سمح الله .. لانه يكره يجلس فاضي و لازم يشغل نفسه باي شي
و يكره الدراسة
مع انه يوعدني من دحين لو سافرنا بعثة
انه بيكمل دراسته و انه تغير و صار أب و مسؤول عن بيت و زوجة و اطفال
لكن رحم الله امرأة عرفت قدر زوجها ههه
اعرف قدراته و اعرف امكانياته ..
هذا السبب الرئيسي الي يخليني انظر لخيار الإشراف المشترك ..
و أتنازل قليلا عن طموحي بالاغتراب
ايش رأيك !؟
هل الموضوع يستحق التضحية !؟
و اخر شي
هنا مرتاحة ماديا الحمدلله
بينما هناك شفت الفقر الصراحة .. و انضغطنا ماديا
بس أفكر في الاولاد و انه الحياة في الخارج افضل لهم !؟
ارجع اقول في نفسي .. مصيرهم يكبروا و ارسلهم للخارج يكملوا تعليمهم ..!؟
واضح اني مشتتة مو صح !؟
.
.
الإشراف المشترك .. دحين كلموني عنه ..
و بدون ما ابذل مجهود ..
فقط اني يوميا في رمضان كنت ادعي اني ابدا الدكتوراة السنة هذه
و امس فجاة يجيني الخبر ..
ايش رأيكم !؟
طبعا من جامعة بريطانية عالية المستوى
و الشهادة من برة و معتمدة .. و كل سنة على حساب الدولة نسافر بريطانيا انا و المرافقين
و نجلس لمدة شهر او شهرين ماني فاكرة .. نجلس هناك و اقابل المشرف هناك و اشتغل هناك
و تتكفل الدولة بمصاريفنا
و بقية السنة أكون في السعودية و في بيتي .. و اتابع مع المشرف التاني الي يكون موجود هنا معايا
كيف !؟