بصراحة انا قبل ماكنت مقتنعه بعمل المرأة بالتحديد المتزوجة
لكن بعد ماتزوجت عرفت قيمة الشغل
الوظيفه مو بس تكفيك ماديا حتى تشغلك عن المشاكل وتبعدك عن الروتين والملل
انا حاليا موظفة بفضل من الله ومن توظفت وانا حاسة بقيمة الريال وقبل كنت العب بالفلوس الله يغفر لي إسرافي
وصرت أحس وأقدر أكثر تعب الرجال والمسؤولية اللي شايلينها
وأحمد الله ألف مرة إني بنت ماأشيل بذمتي مسؤولية عائلة كاملة ودائما بلقى من يصرف علي إن كان أب أو أخ أو حتى الحكومة
وظيفتي مافادتني ماديا فقط استفدت من ناحية العلاقات ومن ناحية تطوير الذات
عرفت قيمة الفلوس وعرفت قيمة الوقت
وسعت مداركي عرفت قدراتي والأشياء اللي أنجح فيها قويت نقاط ضعفي
صار عندي طموح ورغبة اني أشتغل وأكمل دراسة بنفس الوقت
حسيت بطعم الحياة أكثر شعور جميل تكون شايل مسؤولية نفسك وتكون وصلت لمرحلة ماتعتمد فيها على أحد واللي يدخل حياتك أو يطلع منها ماتفرق معك
الموظفات اللي أعرفهم مهتمين ببيوتهم وقايمين بواجباتهم على أكمل وجه مافيهم وحدة قصرت بسبب الشغل ويساعدون بمصروف البيت ويسددون ديون أزواجهم
في منهم اللي تشتغل بقطاع خاص وفيه قطاع حكومي وفيه اللي تشتغل من البيت
وراح تستغرب لو اقولك نسبة كبيرة منهم توظفوا وهم كبار وعندهم أحفاد ونسبة أكبر توظفوا بسبب الملل مو عشان الإستقلال المادي
لو تلاحظ الأطفال اللي أمهم وأبوهم موظفين حبهم للدراسة أكبر ونجاحهم فيها أكبر وعندهم طموح وأحلام وأكثر ثقة بأنفسهم وأكثر دلال من اللي أمهم ربة منزل ومعتمدة ع الأب أعتماد كلي

عشان كذا أنا مع أن المرأة تتوظف سواء متزوجة أو عزباء والله يوفق الجميع