انا عارفه الطريقه الي عملتها غلط في غلط ..
والفتره ذي الي جالسه فيها عند اهلي صحيح خلتني اراجع نفسي واعرف اخطائي
بس للأسف ما اعتقد هو عرف اخطائه معايا من تعامل واسلوب وغيره ..

تواصلت معاه اكثر من مرا طلبت انو نتصالح وتنحل الأمور بيننا لكن قال لي فات الأوان
قلتله طيب طلقني مايصير تخليني كذا طالما ماتبغاني ..
قال اطلقك بس بشرط .. توقعي على ورقه بأن حضانة الولد تصير عندي لما يصير عمره 3 سنين .. هو عمره الان سنه و 3 شهور
طبعا انا رفضت اني اوقع على شي زي كدا ..
قال خلاص طالما ماتبغي روحي المحكمه وخلصي امورك بنفسك ..

والله تعبت نفسيتي جددا .. وما ارعف ايش اسوي اوقع ع الورقه واتنازل عن حضانة ولدي عشان اتطلق .. او اجلس كدا معلقه .. وانا لسا صغيره عمري 22 سنه ..

واليوم تواصلت معاه كمان ورسلت له وقلتله الشهور هدي واحنا بعيدين عن بعض خلتني اراجع نفسي وافهم ف الحياه اكثر واكيد خيره من ربنا عشان كل واحد فينا يراجع نفسه واخطائه .. ووضحتله اني مازلت احبه رغم الي حصل بيننا ..

لكن ماعبرني فقط قال ماعندي تعليق على كلامك .. ومسويلي حظر ع الواتساب وقالي من بعد ماتركت البيت وهو بسعاده ماعمره حس فيها من يوم تزوجني


ايش تنصحوني اعمل .. ما اعرف هو ايش يبغى بالضبط .. هل كنوع من التأديب زي ماقلتو .. او يبغى الولد بعدين يطلقني او ايش
والله تعبببببت من حقي اشوف حياتي ..

__________________
لاتسعى لتصحيح ظن احد بك ££ خالقك ينظر لقلبك وهذا يكفيك