عزيزتي احترت بالتسجيل ..
مساء الورد ياوردة !
الله يساعدج عزيزتي ويعينج .. بجد تضايقت من الي يصير لج
الله يرزقج الصبر .
الي تعانين منه مب شي سهل .. لكن ماشاءالله اشوفج قوية
ربي يزيدج يارب ..
عزيزتي .. انا اقول اتركِ زوجج واشتغلي على ربيعاتج
يعني بطريقة غير مباشرة .. اطلبي منهم مثلاً تكونوا في بيت غير الي يكون فيه رجالكم
او مثلاً تسيروا المول سوى .. او تخلوا تجمعكم انتوا الحريم بيوم ثاني بدون رجالكم
بحجة انكم تمارسون عمل معين ..او تشوفون فلم معين .. او تاخذوا راحتكم اكثر .
وشي مهم وااااااااايد
لا زم تتفقين مع زوجج .. على اساس الحب والمودة
انه مايجرحج ويخاف الله ولا يناظر حد هناك وانه يصدهم ولايمازحهم
وقولي له انكم في النهاية مالكم الا بعض يعني لو انتِ تضايقتي منه راح يبان عليج
وهو بعيد راح يتضايق عشانج .. فلازم يحاسب لمشاعرج
وبيني له لو تكلم وعقد المقارنات .. ان الي يشوفة مجرد شي زائف
وبين له انج احسن منهم (طبعا انتِ احسن منهم بدون شك) وثقي بنفسج.
تحياتي لج عزيزتي والله يفرج عنج ويصبرج ويلطف ويحنن لج قلب زوجج