المشاركة الأصلية كتبت بواسطة وكيلي الله

لو حصل بينكم تواصل لاتوافقين على الطلاق من اصله اختى حاولي تتواصلين معاه مباشر انتي وهوا فقط فقط اعرفي كيف تبينين ندمك له واعرفي ان اصحاب الحرام دمروا بيوت كثير خاصه بالسفريات فلا تكونين احد الضحايا وتتشتت الاسره والولد يضيع الان خلك لينه هينه بذكاء مو بذل لاقالك انا قررت الطلاق قولي وانا ما ابغا اتطلق ولك بالقلب ما الله عالم به لاتزودين الهرج وقولي له الطلاق غالبا قرار مشترك خذ وقتك وفكر لا قالك الغا حضانه الطفل قوليله طفلي يبغا حضني وانا ابغى حضنك وكلنا نعيش بكنفك وتحت رعايتك ومحتاجين لك اصدميه بكلامك الحلو وروضي نفسك هوا لو كلمك حيكابر وانتي كذلك عشان كذا اصدميه بكلامك وخلي نيتك صافيه محبه الزوجواعفافه وعدم تحميله مالا يحتمل والله والله لارقتي انتي ونسيتي ام العصبيه انه يروق معك ويقولك ابشري وما يسمح لنفسه يزعلك ويانبه ضميره المهم الان اتوصلوا مباشر راسك وراسه ولو قدرتي تدبري موعد بينك وبينه بمطعم ومكان هادي بدون مايعرف انه انتى ومعك باقه ورد وهديه بتكونين ذكيه جدا وخرجي الاهل من الموضوع بكذا انتي بتكوني قويه وقدرتي تلملمين بيتك وتصححين غلطك ولو صار عنيد معاك عادي قوليله غالي وتسوا بعيني كثيرين عاقبني بالي تشوفه بس شوي شوي علي والعفو عند المقدره من شيم الرجال خلك ذكيه لماحه لسانك حلو واتدلعي يختي هوا زوجك ولو فرضا حصل طلاق ماهنا فرق هذول هم الرجال وماتدرين ربي كاتب لك الخير الكثير بهالموقف ..... اهم شيء طمنينا وقوووومي الليل وادعي وابكي لمن قلوب البشر بين يديه وبعد ماترجعوووون ان شاء الله قولي لنا عشان ندق السامري ونزفك عروس بمفهوم وعقليه اكثر تفتح واتزان ....دعواتي الصادقه لك