السلام عليكم

قصه صغيره حدثت في الثمانيات في امريكا في ولايه تكساس ... كان معانا ناس من نفس العينه ... انا وقتها عزوبي ما تزوجت ..
زوجة احد الزملاء كانت والله بنت رجال .. الله يبارك لها ويسعدها ........... نفس المجتمع وللاسف بعضنا اذا سافر ترك الحيا والمبادي والقيم ...في مطار السعوديه الين يرجع ..
المهم اصر صاحبنا هذا والح وهدد انه لازم زوجتة تطلع وتلبس وتتبرج امام الزملاء .. بكيت صاحت ناحت مافيه فايده ..
فكرت بنت الشايب في فكره ترفع فيها غيرت زوجها عليها 600 % وقالت أذا مصمم اذا الموضه كامله والبرستيج كامل ...
هذاك اليوم راح تشتري اغراض الشوي وما الي ذلك .. يوم رجع شاف شي رفع الضغط عنده يمكن 240 ... الطيبه لابسه جنيز محزق
و بلوزه ماكسه شوي بس من دون ستيان ...واخر مكياج ... وفي الشارع تنتظر ... طبعا زعق و تنرفز وزعل ... وببرود امام الحاضرين قالت له ليش فارقه عندك ياحبيبي احنا رايحين ننبسط ونشوي وبعدين كلهم اصحابك ... مرت فلان ومرت فلان ... لابسين اخر شياكه ... ورجالهم متحضرين مش زيك متعصبين .. قال انا ولد حموله وعندي قيم .. قالت فيه رجال عنده قيم يعري زوجته .... الصدمه كانت عليه شديده وتعدل حاله بعدها وكانت مثل لغيرها

القصه والله العظيم حقيقيه ولك ان تستنتجي ما تريدين ..
و ما كان اللين في شي الا زانه

وتذكري قوله تعالي ( ادفع بالتي هيه احسن فاذا الذي بينك وبينه عداوة كأنه ولي حميم )

ولا تنسي عاداتك ولا قيمك والله يعينك ويسعدك ويهديك