رد: كوفي شوب الصبايا (3)
اقتباس:
المشاركة الأصلية كتبت بواسطة الإشراقة!
24 ساعة يا موهبه على جواله بطريقة مقرفة
لانه مسافر معها الأسبوع الجاي وبيشوف الأماكن
له اسبوع وهو يوميا على هذا الحال وانا ساكتة واسوي نفسي حماره وطرشة وعمياء
دوبه جالس جنبي على السرير و يمسك الجوال بطريقة مايلة عشان لا اشوف
وقاعد نفس الشي يبحث
الا عطيته نظرة و قلت له خلاص عيب وقمت من جنبه لبست عبايتي وخرجت من البيت راجعة دوامي
وهو ينادي تعالي تعالي قلت اتاخرت مع السلامة
قلة ذوق والله.. من جد البعد راحة
|
يفكرون إننا ما ننتبه!!
ما أنكر إنه يسوي لي أشياء زينة .. لكنها ما تنسّيني حركاته.
واحنا راجعين من البحرين .. سرحت شوي واحنا في الطيارة .. ولما انتبهت وطالعته لقيته ماسك موبايله .. وأول ما شافني أطالعه نزّله على طول.
بان علىّ الزعل على طول .. ومن لحظتها لين رجعنا البيت وهو يداري فيني!
بعدها بيوم رجع دوامه وبعثت له في الليل رسالة هادية على الواتس مختصرها إني لين الحين مب قادرة أتحمل اللي يصير ومب معقول جدام عيني تصبح وتمسي على الموبايل.
وقمت الصبح لقيته مرسل لي إنه يحبني .. وإنه حبي في قلبه مثل ما هو .. وإنه بيتم يحبني لآخر يوم في حياته!!!
واتصل فيني عقبها وكلمني مكالمة طويلة نسبياً .... ما ياب طاري كلامي طبعاً لكنه كان يبا يرسل لي رسالة - من خلال طول المكالمة - إنه لايزال مهتم!
واليوم الثاني قمت الصبح ودخلت الواتس وما كلمته .. وبعدها بشوي بعث لي: يعني صاحية!!!!!!
هذي الحركة الاستثنائية اللي قلت لج عنها يا إشراقة .. لأنه عمره ما بيّن لي إنه يتابع ظهوري .. لكن لأنه لا يزال في مود إثبات الاهتمام فعمل هالحركة.
ومكالمة البارحة ومكالمة اليوم الصبح نفس الشي لذات السبب.
صدقت والا فرحت؟!!!!!
أبداً.
بس أقول الحمدلله رب العالمين .. هو أحسن بكثير جداً من غيره.
__________________
اللهم طِيبَ الأثر .. وحُسْنَ الرحيل.
التعديل الأخير تم بواسطة مهره ; 20-08-2015 الساعة 01:43 PM