ههههه 😁 ضحكت من قلب على اسألتكم
احساسي انه فرررحانه ، لان لما رفعت دعوى خلع اتصل فيني وقال ابيج تردين لي واعتذر انه ما وافقت قال لي محد يبيج لان اختج معاقه " ما تمشي " وصار يشمت فيها ... قلت له الله بيرزقني الافضل بإذن الله والحمدلله الله رزقني فكنت فعلاً ابيه يشوف ريلي

ردة فعل طليقي كان مصدوم وسألني عن اخباري قال استغربت ان فلان ريلج .. سكتت عنه ما خذيت وعطيت ودخلت سيارتي ..
هو ما عرفني الا لما سألني عن اسم زوجي على اساس يتواصل وياه ... على طول قال لي انتي زين ؟ واساسا ما كان متأكد لاني ما عطيته جواب فظل مشكك تأكد ان هذي انه لما وصل زوجي

زوجي كان مصدرم .. طول ما احنا في الطريج ظل منفس ومنقهر .. وما لقيتي تدعمين غير هذا! ولا وفوق هذا باجر لازم تروحين معاي حق المرور واكيد بيشوفج
قلت له صل على النبي وين يشوفني وانت طاقني رايبون .. ما تبان مني غير عيني .. قال حتى عينج ياليت تغطينها... حتى الحمدلله عالسلامه ما قالها الا لما وصلنا البيت واستوعب واعتذر وتعذر انه غيران ووو

طليقي يقول لريلي بس اذا تسمح تطمنا على الاخت زين عسى ما تعورت اذا تبي ودها المستشفى الفلاني وانا ادفع التكاليف ... زوجي قال له .. رحم الله والديك نعرف احنا بروحنا شلون نتصرف

😁😁💃🏻💃🏻💃🏻 احس ردة فعلي غبية ... ان فرحانه ... حمدت ربي انه شاف زوجي عشان يشوف شماتته فيني .. وان الله رزقني منو

__________________

حاجة الناس إليكم من نعم الله عليكم ، فـ لا تملوا النِعم ☁✨