حدثت الكثير من الأمور مؤخراً
في كل مرة و في كل يوم افكر اكتب اتراجع / مدري ليش
احس ان الأفكار بداخلي تتزاحم .. و بالنهاية استسلم و ابتعد عن الموقع !

عموماً اللي صار ٥ مراحل :

١- الشغغغغغف :
بدأت تحديد اهدافي الكبرى بالحياة خلال الأسبوع الماضي
وبدأت بالرككككض تجاهها
انجزت الكثير الحمدلله و كانت خطواتي كبيرة و كان والدي بجانبي

الكتابة القراءة القرآن الحديث الدراسات العليا الرياضة الصحة اخواني المسلمين التطوع

امور تشغل بالي و احتاج ان اساهم فيها ، و اترك بصمتي !
و كنت قد ساهمت فيها سابقاً وتوقفت
لم اكن املك صفاء نفسي بوجود علاقة محرمة
كان كل تركيزي منصب على هذاك الشخص

٢ـ في نفس الوقت يوافق ابي على الخاطب الأخير
يسأل عنه ويقابله و يسمع منع الكثير و يكتشف انه رائع
ايضا العائلة بشكل عام طيبة و ناس محترمه و مهذبة
لأول مره احس فعلا هذي العائلة اللي افتخر انضم لها
كل خطوباتي كانت تتفركش لأني لا ارتاح لعائلة الرجل ( ومرات الإثنين لا الرجل و لا اهله )

في نفس يوم خطبتي الرسمية تحددت النظرة الشرعية و العقد و و
و تحدث احد الرجال مع والدي ليتقدم لخطبتي أيضاً

هنا توقف والدي و قال يبدو لي ان الأخير ربما يكون افضل و افضل
لننتظر و اجعليني ارى ..

انا مو حابة اكتب تفاصيل عن الخاطب الأول
لكن اكتفي ب قول انه رائع ب نظري و لله الحمد .. و حتى عائلته

لكن في نقطة مخوفتني
عنده خبره بمجال الشبكات بحكم عمله
صار هاجسي من القصص اللي اسمعها بالمنتدى
انه ب يوم مثلا يدري بالماضي .. يا اللله كلما يمر هالشي ع بالي امممممموت بكي

اقول يارب يكفي عذاب مآ ابغى اتعذب حتى بحياتي الجاية
انا والله لا قابلت هذاك ولا شفته ولا لمسني
كلها مكالمات و كنت اطارده بمسألة الزواج
و دايم اررررسل له رقم الوالد

ياربي خايفه كتبت و انا ابكي ..
دموعي تنزل
مع اني بديت و فتحت هالصفحة و معنوياتي عالية

بس احس الحين تحططططططمت

ما ابغى احد يدري
ابغاها صفحة و انطوت

الحين ب ناوية افرمت كل اجهزتي
بس خايفة : (
تجيني وساوس

مثل هذيك اللي عرف زوجها انها كانت بعلاقه ع طريق قرينه من الجن
احس المنتدى خلاني اوسوس

مع اني لاحظت شي
كل اللي اكتشفوهم ازواجهم ( كانوا اصلا يخونون ازواجهم حتى بعد الزواج ) يعني مو ماضي و راح
ايضاً ( كانت لهم معهم مقابلات الاغلب )

و انا بإذن الله
الله يحميني من هالأمور و يستر علي و يثبتني