دعواتكم لي انا منهارة ..
دخلت اكتب / بس مسحت كل شي

يمكن يكون موضوعي سبب و عون في هداية و شخص و تثبيته
فما أبغى أضعفه

أحس اني في مرمية في بير مظلم لحاااالي

السالفة مو سالفة اني ابغى ربي يعوضني
ليش الناس مرات لما ترجع ناس او تتخلى عنها تلقى لها مبررات
و تطعن بغيرها بسهولة ؟

انا متأكدة انه ينظر لي اني نذلة و أنانية
و انا نفس الشي اشوفه نذل و أناني

الحين انا ماعاد اعرف وين الحقيقة و الصدق ؟

شككني بنفسي

اكتب و دموعي تنزل ..
نفسي بس أظل ثابته على موقفي ما انهي انهياري بالعادة
نفسي اعرف ايش ينظر لي
نفسي يحس انه غلط و يندم
نفسي يشوف نفسه هو اللي دفعني دفع لهالشي

هل انا بعد ما عرفتك و حبيتك اكثر من نفسي
كان عندي استعداد بيوم ولا بلحظة افكر تفكير بس ابدلك بأحد ؟

انت قضيت علي

لو عرفت او جاني خبر انك تألمت من فراقي راح أموت اكثر
كنت قدامك عطيتك كم فرصه
تعززت علي
كم مرة انبهك تراك تدفعني لإنهاء العلاقة
ولو انهارت انت تتحمل المسؤولية لحالك ..

بنفس الوقت بداخلي رحمة إنسانية
اعرف انك عشت بوحدة طول عمرك .. و بدوني راح يكمل هالشي

لكن مابيك تعيش دور الضحية
انت لك يد
ودي احد يفهمه و يعلمه
انت غلطت علي
سحبت علي
تركتني اهملتني جفيتني
و انت تعرف قد ايش ظروفك صعبة
كنت انتظر منك كلمة
حتى كلمة كيفك ما كنت تقولها لي

بداخلي جزء متعاطف معاك لكنه مقهور
لانه عارف انك مستحيل تتعاطف معاي

انت حطيتني بقالب القاسية الأنانية طول 4 سنوات
هل انا فعلا كذا
هل بكون كذا مع زوجي

انت ليش ما سويت موقف
مروا شهرين قطعتك فيهم
تعرف عنواني ما سويت شي

احس اني ب صدمة عايشة
عايشة ب حلم او كابوس بصحى منه

السرعة اللي مشت فيها الأحداث و الله انهتني
اااااه انا منهارة يارب اجبرني

راسي عورني من كثر ما بكيت

شلون كذا انتهينا به السخافة
بعد كذا انخطبت بعدها صارت السالفة جد
و ارتحت و خلاص اليوم كنت ابحث عن موديل فستان

كل شي مر و راح و انتهى
وين امس و صوتك و سوالفنا
معقولة كل شي راح خلاص

انا معاهدة نفسي حتى أراقبك من بعيد ماراح اسويها
صفحتك ب تويتر ما بفتحها زي كل مرة نتفارق فيها
و ادعي عليك بصلاتي و اقهر نفسي
ماراح اسوي شششششي
سويت كل شي

انت تشوف نفسك سويت كل شي
و انا بعد اشوف نفسي سويت كل شي

اعرف انك متأكد برجع لك
و هالشي بحول الله ما بيصير
و اعرف انه كلما تمر الأيام تتضاعف صدمتك
و يزيد آلامل فيك انه قرب الوقت اللي اضعف فيه
لكن صدقني ماعاد أدور شي مو لي

عمري ما ذكرتك بيني و بين نفسي و بكيت
حسيت لازم امزق الصفحة مو اقلبها

لكن اليوم انقلبت مواجعي غصب و قدر ما لي يد فيه
يا الله الحياة مرة توجع

لكن افكر هي امتحانات و ابتلائات
وربي راح يمر كل هذا ولا كنه صار

الحياة مرة تصفعك و انت ب عز سكونك النفسي

كنت مبسوطة
احاول اشغل نفسي بالمفيد
ابحث في المدونات الجميلة المضحكة ارفه عن نفسي
و حنين لعالم التدوين الانترنتي و رغبة في العودة لة

ما توقعت
فجأة كنت اضحك و فجأة انهرت
قرأت قصة واحد له نفس أسمك و من نفس منطقتك
و يتيم مثلك
قرأت انه حب و نوى يخطب
لكن ما تحرك و فجأة البنت راحت

اقرأ دموعه بين السطور و انهياره
حزنت عليه بس بنفس الوقت
شفته عايش دور الضحية
طيب ليش ما تكون البنت هي الضحية

ليش مرات نعيش قصص نبرر لأنفسنا بمبررات بلحظة الفراق
و غيرنا يبرر لنفسه

ما نقدر نشوف الشي من زاوية وحدة
انك ظلمتني و ظلمت نفسك . نقطة و انتهت قصتنا

فيه نوع من العزاء لنفسي ( و آه عيني مليانة دموع )
لو لقيتك اعترفت انك أذيتني
لحظة ما طلبت انا الفراق
آخر كلمة منك كانت ( انتي كل شي بحياتي )
اقسم بالله صار هالكلام يوجعني و يجرحني
صرت احس و كأنك تبصق علي او ترميني بفردة حذاء قديم

كل شي
و انا موضوعة خارج حساباتك لي شهوورررررر
و كل أمر معاي تعطيني له مبررات قوية تضعفني
لكن انا عاهدت نفسي
لو تقول لي طاحت قنبلة ذرية ع منطقتك او انشقت الارض و بلعتك وصرت بسابع ارض
ما عااااااد أعذر او احسن الظن
ما اعااااد ب اعذر

نفسي اكتشفه
نفسي يطلع كذاب او متزوج
نفسي اعرف عنه شي يصدمني اكثر

نفففففسي كذا شي يطلعه بعيني حقير و هو بعد يدري
نفسي يتأكد انه مافي امل مني خلاص

انت هددتني ما تقبل رجعتي لو انا تبت ( و انت عند كلامك )
و انا تبت ( و انا عند كلامي بعد )

ما ابغى ادعي او اتحسب عليك
ما أبغى اعطيك قيمة اكثر من اللي عطيتك إياها
ابغاك ولا شي
الكره الشديد ما ينبع الا من حب شديد
و انا حتى الكره ما ابغى اعطيك اياه

انت اذيتني
و ما اعرف متى بتجاوز هالمشاعر
اذيتني كثير
لو أمك او اختك او قريباتك سالت لها دمعة من واحد كان انت سكت ؟
طيب ليش انا عرفت الدموع معاك ؟

اللي مثلك يعرفون الله بطريقتهم الخاصة

يارب اسكب على قلبي رضا و صبر و أمان و راحة
يارب يارب
يارب ريحني
يارب ابغى رضاك ارضى عني
ما أبغى أموت و معاي هالذنب
هالشي فوق طاقتي
يارب نفسي بين يديك
ربي رحمتك وسعت كل شيء و انا شيء .

لا اله الا انت سبحانك اني كنت من الظالمين