احس زوجي اناني
بدل مايداريني ويحن علي بهالايام
القاه ينكد ويفتعل مشاكل ويعصب
وبعدين يتهمني اني سبب النكد
ولو حاولت اعدل الجو اتهمني اني مشيت رأيي
ولو طنشته دور له اي قصه وجاء يخانق فيها
خلاص تعبت
ترى نوم زي الناس مو قادره انام من ثقل الحمل
ومع ذلك مو مقصره ابدا معه
اطبخ وانظف واكوي ملابسه وادلعه واهتم له
وهو كان كويس معي وفجأه قلب علي
وكالعاده اذا زعل يطلعني اردى الناس
ويطلع فيني عيوب الدنيا كلها
ويقول بوجهي انه كارهني ونافر مني
وانا قلبي مجرووووح بما فيه الكفايه
وقبل شوي يرد ويقول: انا مجروح اكثر منك!!


ما ادري عشان ايش كل هالدراما اللي مسويها
اوكي زوجي حسااااااس جدا جدا
وهذا عيب متعب فيه
لكن بهالوقت الحرج مو وقته والله
بكرا بروح نفاس بيت اهلي 40يوم
تمنيت نترك لبعض ذكرى حلوه
لكن هو مصر يحسسني ويحسس نفسه انه مظلوم


اوكي واحد بيجلس ايام ببيتنا
وانا وقتها يمكن ما اكون كملت نفاس
مع ذلك ماعصبت وماقلت لا
كل اللي قلته اخوانه موجودين وانا ماراح ارتاح
لكن اللي تشوفه اعمله براحتك
وهو من هنا قلب علي 180 درجه
يقول بنت الاصول تقول ابشر وتم بدون جدل
واللي تقدر زوجها ماتقول هالكلام
قلت طيب وانت ليه ماتقدر زوجتك وتعبها!!
قال ماراح يجي الا بعد ماترتاحي ويخلص نفاسك


ناسي ان الوحده اقل شي تحتاج 6 شهور حتى ترتاح من وجع وقرف الولاده وطلبات البيبي الجديد