السلام عليكم ورحمة الله وبركاته

كيفكن يا حواءات جمع حواء ههههههه

متل العادة كل شي سهل وسريع بفضل اعمله واتعلمه
اليوم وصفتنا سهلة كتير كتير
مع انو من زمان كان بدي نزلها

بس الله يخلي عزيزتنا الصائمة لله 😚😚😚😚
ذكرتني بس نزلت مقدوس الباذنجان



متل ما شايفين بالصورة
الخضار ما ملزومين بكمية محددة بنقدر نزيد او نقص من الكمية
انا استعملت بحدود
كيلو لوبيا خضراء
نصف كيلو جزر
نصف كيلو فليفلة حمراء(بس انا حطيت مشكل لانو كانو موجودين عندي)
رأسين ثوم
نصف كيلو جوز او اقل او اكثر حسب الذوق
ملح حسب الذوق
زيت نباتي




اول شي من بعد غسل الخضار بنقطع اللوبيا والجزر والفليفلة الى حجم صغير
وبنهرس الثوم وبنطحن الجوز خشن

تاني خطوة بنسلق اللوبيا بماء مغلي نصف سلقة او اقل بشوي وبنصفيهن
وبنرجع نسلق الجزر اقل من نصف سلقة وبنصفيهن



وبوعاء بنخلط اللوبيا والجزر والفليفلة الحلوة الحمراء والجوز والثوم والملح ولازم طعمة الملح تكون شوي ظاهرة نفس طعمة حشوة مقدوس الباذنجان
وبنخلطهن وبنعبيهن بمراطبين



وبعد الانتهاء بنضفلهن زيت نباتي وبنترك مجال شي اربع سم كرمال ممكن الزيت بعد وقت يطلع ويخرج للخارج
وبنسكر الغطاء
فينا ناكلهن بعد تلات ايام او اسبوع
وطيبين يضلهن يقرمشوا وما لازم يكون مستويين استواء كامل



مقدوس اللوبيا

وهيدول من بعد شهر او اكثر من عملانهن

ان شاءالله تكون الطريقة سهلة وعجبتكن

وقريبا بنزل وصفة حلاوة الرز

💖💖💖💖💖💖💖💖💖

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه