المشاركة الأصلية كتبت بواسطة Janalocked

1- بداية الزواج كنت أوري زوجي النساء واسأله مين اجملهم ، وبشهر العسل كنت أأشر ع الحلوات وأقول لزوجي شووف شعرها يجنن 😂
الحين لو أسمع صوت حرمه بجواله أموووت غيرة ودي أكسر الجوال ( 5 سنوات زواج )

2- بخصوص العلاقة طبيعي جدا لأنها لسه مافي استمتاع أبدًا اصبر عليها بعد سنة وشوف كيف راح تتغير .

3- موقفك بالزواج مرررة ماله داعي الناس متكلفين بالتقديمات والديكورات ماله داعي أبدا وجود الأطفال ومع ذلك سمعوا كلامك فهذي نقطة تحسب لها .وممكن للآن شايلة بقلبك عليها ..

4- السفر حاول يكون هالسنة أكيد بتكون بخاطرها سفرة زي صديقاتها وطالما وعدتها حاول جديًا إنك تسعى لها .

5- بخصوص سرعة قيامها بعد العلاقة عودها يعد كل علاقة تحتضنها وتاخذ غفوة بحضنها وخبرها انو تبغى حضنها .

6- الحمل والولادة راح يمنعك نهائي من الاستمتاع بالعلاقة ، نصيحة خذها ع طبيبة نساء وتصرف لها حبوب منع حمل ع الاقل السنة الأولى . أو تقدر تستعمل الواقي الذكري .

أ) لسه ما استقريت معها ولسه مابعد أخذتوا ع بعض وممكن بالحمل والوحم تكرهك وتزيد الوضع سوء .
ب) بعد وجود الطفل مارح تفضى لك نهائي بيكون أغلب وقتها للطفل ، وحتى مارح تلقى وقت ممكن بوسط العلاقة يبكي البيبي .
ج) بلغها بالسبب قولها إني ماشبعت منك والبيبي بيشغلنا عن بعض وورانا سفرة الصيف الجاي نبغى نستمتع ؛) .

صدقني الحمل الفترة هذي أبدا مو بصالحكم وأنت مو كبير بالعمر عشان تستعجل ، وسنة مارح تضر ..
وأما بخصوص الصمت حاول تطلعون دايمًا بالسيارة خط لكم كوفي بالطريق وتمشوا بشوارع الرياض وسولف معها عن كل شيء أصدقائك ودولمك وأهلك الخ وخطط المستقبل قل لها خططك وايش هي خططها للمستقبل شوي شوي بتاخذ عليك ..


7- بخصوص أسراركم بره ع أي أساس حكمت ؟ هل سمعتها أو شفت محادثات تتكلم عنك ؟ ع العموم كلمها بهدوء وقول لها أنا رجل مايرضيني أسرار بيت تطلع برا عندك كلام تعالي قوليه لي وأنا من عيوني بسمعك بقلبي قبل آذاني ، بس تطلع أسرار بيتي برا لا .. وأنا ما أسمح لك ولا أرضى عليك إذا سويتِ هالشيء ..أنتِ كبيرة وتعرفين ربي وتعرفين عقوبة عصيان الزوج .

ولو عرفت إن فيهأسرار ثانية طالعة بيكون لي تصرف آخر معك . ولا تعلمعا إيش راح تسوي خل عقلها يبحث وفقط بدون أي كلام زايد حتى لو حاىلت تطول الكلام وكيف عرفت ومين قالك قولها عرفت وبس .


ترا كلنا ماحبينا أزواجنا أول سنة وكلنا أزواجنا تعبوا معانا لكن شوفنا بعد سنين احنه اللي نلاحقهم ونغثهم ولا نبغاهم يبعدون عنا 😂
بسعليك بالحنان والكلمة الحلوة والاحترام بين لها حبك وبين لها شكثر أنت ماتستغني عنها ، ووضح حبك لها قدام أهلك وأهلها ووالله هالشيء بس اللي يجيب آخرتنا 😂
خلك هيّن ليّن معها وسدد وقارب وادع ربي التوفيق ..