رد: بسبب رجوعي من الدوام، هل يحق لزوجي الزعل؟
تخيلت نفسي مكانك
لو نسيت ابلغ زوجي بوقت خروجي
كان قوم الدنيا علي
حتى لو اعتذر له برضو بيعصب ويزعل
لانها بنظره قل تقدير وعدم اهتمام
وانتي بدل ماتعتذري جادلتي
وحاولتي تبرري لنفسك
وحسستيه انو هو والسواق واحد
وان جهوده مو فارقه معك
وان البديل موجود وسهل
هذي مسجات مره قاتله وصلتيها لزوجك
بينما الرجال جدا شهم اللي متحمل التعب
وطلعه الحر والتردد بالمشاوير لعيونك
هو مستمتع انه يخدمك ويوصلك
وانتي كسرتي خاطره
معليش حبيلتي لاتزعلي مني
بس زوجك عمله نادره هالايام
ماشاء الله
لاتخلي ابليس يكبر الكلمتين اللي قالها براسك
ترى اذا هو غلط بالكلام
فانتي اللي حديتيه لهالشي
ومن طق الباب سمع الجواب
اذكري الله
وكويس مانمتي عند اهلك
وعلى فكره
ترى جلوس الرجال لحاله بالبيت
وهو زعلان وجالس بالغرفه
دليل حب واهتمام
ترى 90٪ من الرجال بمثل هالموقف يطلع
يروح يسهر مع اصحابه او يرفه عن نفسه
اغلبهم يهربوا من المشاكل بالطلعة
لكن زوجك من النوع اللي مايعرف يفرح ويستانس اذا بينكم مشكله.. ماشاء الله
انتبهي لا بكرا يتعود عالمشاكل ويتغير طبعه