منتدى عالم الأسرة والمجتمع - عرض مشاركة واحدة

01-09-2015, 01:10 AM

#2193

سحابة1

مراقب

تاريخ التسجيل: Jan 2014

المشاركات: 2,390

رد: كوفي شوب الصبايا (٣)

تذكرت موضوع كوكي

وباقي موضوع مهم دخلت اساسا عشان اكتب عنه

بالنسبة للمدرسة ما دخلت روضة .. لان الوالد دخَل اول اخواني اللي يقارب عمره الآن 50
سنة ماشاء الله للروضة و في مرة تأخر في الباص وامي انهارت من الخوف والبكا وطلع الاخ نايم في الباص والناس قلبت عليه الدنيا وحلفت امي محد يدخل الروضة من بعده

لكن المدرسة كان اول يوم من أجمل أيام حياتي ولا يمكن ينمسح من ذاكرتي ابدا
واتمنى لكل طفل يحصل معاه في دخوله المدرسة موقف حلو ما ينمسح من ذاكراته مثلي ... تخيلوا رحت المدرسة في زفة محمولة على الاعناق والاغاني والتصفيق والتشجيع من حولي
والحلو في الموضوع اني تفاجئت بالحركة الحلوة هذي من بنات الجيران
يمكن من كثر فرحتي بأول يوم للمدرسة مانمت كل شوية اصحى اطل في الشباك راح الظلام وما صدقت امي صحتنا وافز بسرعة والبس وآخذ شنطتي اللي أكبر منى ههههه
واستعجل أخواتي الكبار بسرعة تأخرنا وهم كارهين حياتهم وزي اللي يقولون على ايش فرحانة خرجت من البيت والآقي بنات الجيران متجمعين في الحوش وخصوصا وحدة الله يذكرها بالخير كانت تحبني مرررة

اول ما شافتني شالتني فوق اكتافها ووحدة ثانية أخذت الشنطة وبدأت الزفة وانا طايرة في السما من الحفلة اللي مسوينها ويتضاربون كل شوية تقول وحدة منهم دوري اشيلها ههههه
ما تتخيلون شكلي كيف كان ..سنفورة لابسة مريول وشنطتها أكبر منها ههههه
والبنات كانوا صف خامس وسادس لكن كنت اشوفهم كباااار
اتذكر الآن الطريق كان طويل نسبيا .. وكل من خرج من بيتهم انضم للمسيرة لحد ما دخلنا المدرسة واخذوا فيني كم لفة على حوش المدرسة وانا في جووو ثااني
وبدا الطابور واسمع اصوات البكا من كل مكان وانا في قمة استغرابي ! اشفيهم يبكون
دخلنا الفصول ونفس الشي ..
حسيت البنات حقدوا علي اوزع ابتسامات والناس تبكي والمعلمة نفسها مستغربة مني

الله على جمال هذيك الايام ليت العمر مرحلة طفولة بس وماكبرنا

__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..

[IMG]http://im67.***********/mg87DX.gif[/IMG]