السلام عليكم ورحمة الله
من زمان ماكتبت لكن بصراحة تصرفاتك رفعت ضغطي جدا، لو تعطس زوجتك بترسل وتقول عطست وش أسوي؟! مو معنى كلامي لاتكتب مستجدات موضوعك لكن وش الفايدة لما الكل يجمع انك تطنشها وفي الاخير طنشت كل الردود ورايح ترد عليها وتعزمها فطور!! والمشكلة البرودكاست مو لك خصيصا، مرسول لصديقاتها بس هي لذكاءها مخليتك في اللسته علشان تبين لك انها عايشة حياتها بدونك، وانت اكلت الطعم وعزمتها فطور وبعد كل هذا ماتبيها تملي عليك شروطها!! وبعد ماطلعت معها وحسيت بغلطتك وأنك المفروض ماااخذت وعطيت معها والمفروض انك كنت حاسم معها وبطلت حركة اتقضى للبيبي وأمسك يد زوجتي ومدري ايش .... عقب ماعرفت ان كل اللي سويته غلط وقالوا لك ارجع وطنشها ثاني لكن برضو قاعد تأخذ وتعطي معها في الواتس!!
المشكلة ياخي فيك مو فيها لازم تحط فوقها مليووون خط

الحين الخطوط والملامح الاساسية للمشكلة ضاعت وشروطك معاد لها اي معنى والزعل صار بايخ لان مافيه احد يزعل على زوجته شهر كامل لانها اهانت أمه وبعدها يروح يفطر معها ويتقضى للبيبي !!😂😂 ههههههه بجد احس كنها فاصل ونواصل
يعني تخانقتوا ثمن وسعتوا صدركم شوي ثمن تروح تقلب عليهاوتتخانق من جديد ماتجي يااخي !!!
😅😅😅
انت لازم تجلس بينك وبين نفسك وتغير من شخصيتك في التعامل معها خلي نفسك طويييييييل اعتبر نفسك منفصل عنها وتعامل معها على هالاساس واذا ولدت حط عليها المصروف للبيبي وقول لها البنت أمانة في يدك لو صار شي بيننا وانا بفكر في وضعنا لاني مااتوقع راح نكمل مع بعض ومستحيل أخليك في مقارنة مع اهلي بس دامك تبين كذا تحملي اللي يصير واذا غيرتي رايك البيت مفتوح لك مثل ماطلعتي بنفسك ترجعين بنفسك ومع السلامة ولاااااترد عليها ابد الا فيما يتعلق بينتك وسافر وغير جو ولاتفكر ولا واحد في المية ترفع السماعه على خالها او اهلها هي اللي المفروض تحاول تتواصل معك وتدور حل للمشكلة لانها هي اللي اوقعت نفسها فيها

مشكلتكم مو حلها الطلاق قد ماتبي رجل حااااازم وهالخصلة مو موجودة فيك للأسف

متاكدة كلامي كله راح تقرأه ولا راح تطبقه بس ارتفع ضغطي منك الله يهديك وقلت لازم افضص شوي 😂😂😂

__________________
ربي فرج همي ويسَر امري