اختي رائحه البخور .. اشكر ردك المفصل وفي طياته المعاني الكثيره والمصوره لوضع زوجتي المصون ..
بدون شك لاحظت على ولادتي مدى حزنها على ماتفعله زوجتي من افعال وتصرفات راعنا بكل ماتعنيه الكلمه .. الأم ماتتعوض لكن الزوجه تتعوض ..
مااستنتجته من زوجتي هو .. قله خبرتها في فضل الأم وقله خبرتها في التعامل مع الناس ..

خلال سنتي الاولى من الزواج .. كانت زوجتي في شد وجذب مع امها .. بعض الاحيان تصل بأن لاتتحدث مع والدتها بالاسابيع وتجمعهم مواقف او مناسبات عائليه .. وبعدها يرجعون لتواصل مع بعض .. امها ماتتوافق مع اختها الصغيره من ابيها .. لانها مدلعه وغير مهتمه وفيها غرور نوعا ما .. ومع هاذي الاحداث .. زوجتي كانت تتضايق من تصرفات امها .. اذا قامت بالنصح لها او مخاصمتها اذا فعلت شي غلط .. تشوفها زوجتي شي كبير ومزعج من امها .. هاذا كافي بأنها لاتعرف كيف تتعامل مع الامهات ..

بديت اشوف حتى عماتها وخالاتها يستنكرون حركتها بالتعامل معاهم او مع الناس ..
زوجتي تعشق اللي يطبل لها ويويدها سوى صحيحه ام خطاء .. للمعلوميه زوجتي اكبر مني بسنه واتوقع انها تحس انها اعقل واحكم بحكم فارق السن بيننا .. لكن ماتركت لها مجال انها تتمادى بهاذا التفكير .. وزياده على ذالك ماعمري حسستها انها اكبر منى للامانه ..

لدى افكار كثيره في اشعال غيرتها ولكن لا ادري ان هالطريقه فعاله ام لا بالوقت الحالي ..

بحكم اني اشتريت سياره جديده فاخره ولله الحمد .. كانت دايما تخاف ان اطلع لوحدي واكون مترتب ومتشيك .. تبداء ترسل لي لا تروح المولات ولا تروح الشارع الفلاني ولا ..... الخ

اخي الصغير شار عليه بفكره اضحكتني نوعا ما .. قال لي بعد اسبوعين اذا لم تشاهد منها اي تجاوب منها .. خلينا نصورك بالمشلح وننزلها بالانستقرام والواتساب والسناب ونكتب الف مبروك والله يتمم لك ع خير ونحط لك تعليقات .. حتى اهلها هنا راح يكلمونك وتبداء الحركات من طرفهم .. وبعدها نصور سيارتك مشرعه ومزينه بالورود والقلوب وننشرها بوسائل التواصل الاجتماعي .. وبعدها بفتره اكتب في الحالات .. صوره طياره مع علم امريكا و قلب وختام وحركات عرسان .. قالي صدقني راح تولع وتجيك تركض .. لأن زوجتي عارفه اني مااقدر ع تكاليف عرس ثاني ... بحكم القروض اللي على .. والتزامات اخرى .. فمدري عن هالطريقه ومدى فعاليتها ..

الله يهديها ويجعلها تفكر في مصلحه الاسره والبيت