روح
.........................................
الذي اقصده ان المجتمع يتساهل جدا جدا مع خيانة الرجل عادي الأم تعرف ان ولدها يسافر ......... ويسهر .......... تتضايق تدعي له لكن لو البنت سوتها😲عادي تندفن..فهل خيانة االرجل تقارن بخيانة الأنثى رغم معرفتها بالعقاب الرباني والشرعي والمجتمعي..طبعا لا
لان خيانة المرأة تحتاج جرأة أكبر وموت قلب أقوى وانسلاخ عن اغلب المبادئ..لكن الرجل تحصلين حتى الوسط اللي عايش فيه على نفس الشاكلة فالموضوع محتاج شوي مغامرة..

أبدا أبدا ماأخفف من خيانة الزوج وشخصيا نفس وجهة نظرك الخيانة تعني الانفصال..
لكن اللي أقصده انه ردة الفعل تختلف لاختلاف درجة التنازلات بين الجنسين..
.................................................. .......................

أنت محتاجة وقت وبإذن الله بترجعين مثل ماأنت..
يمكن الوقت يطول الناس تختلف..
مثل هالوقفات اللي تهزك تطلع الجرح وتعالجه شوي شوي..

انا بعد الخيانة تعبت جدااا لدرجة سنة كاملة اقوم من النوم اصيح بصمت وارجع انام..طلبت الطلاق كثير..لكن الحين بعد ماالحمدلله تعافيت تماما طلعت منها بفهم أعمق للحياة والناس والمجتمع، قلبي الأبيض البرئ المثالي صار طبيعي واقعي..قدرت أرجع اتقبل زوجي رغم عيوبه واللي سواه..
كنت كثير اتساءل ليش أصبر والى متى وعلشان مين..ليش رغم صبري وتنازلاتي وحبي وتضحياتي يكافئني بخيانة..مايستاهلني يستاهل وحدة .. ......... مثله..لكن بعد ماادركت الحياة والناس غيرت بعض مبادئي بما يناسب الحياة..
اولا الحياة طبعت على كدر..الراحة والرفاه مو موجودة بالدنيا أبدا..كثير ناس كنت اعتقد انهم مرتاحين..لكن الايام تكشف لي ان عندهم جانب مؤلم بحياتهم..
ثانيا كلنا معرضون للخطأ والمرأة اللي زنت بعهد الرسول صلى الله عليه وسلم اعرض عنها لانه يعلم صدق توبتها..لان فيه خط للرجعة ..لان الله يعفو ان تاب العبد..الشاب اللي أستأذن بالزنا..كيف عاملة الرسول صلى الله عليه وسلم..عامله بأنسانيته القابلة للخطأ..فقد عالج المعتقد الخاطئ بلا تشنج ولا تجريم..كل بني ادم عنده نوازع للخير وللشر..موجهات كثيرة بالحياة تحركه..فلو اخطأ فعنده جانب اخر يقدر يحركه للاتجاه الاخر..اذا الشخص اللي قدامي يتعهد باصلاح الحال فجميل اني اتفهم انسانيته واعطيه فرصة..
ثالثا:الأطفال مهما كان ابوهم مالهم الا الله ثم هو..الا في حالة مستمر بالخيانة أو يعنف الاطفال..بفترة جلوسي عند اهلي كان الكل يخدمني ومرتاحة لكن طفلتي مكسورة ابوها اصلا عصبي وكثير يرفع صوته عليها ومتعايشه مع عصبيته لكن عند اهلي لو احد من اخواني رفع صوته عليه يتغير وجهها واحيانا تبكي..احتجت غرض لازم معي رجل يخص بنتي الكل اعتذر وقتها حسيت بحاجة حقيقية له..
رابعا:الراحة بالرضا..ماأقصد الركون والاستسلام..لكن الرضا بالتفاصيل اللي مانقدر نغيرها ولا نبدلها..التعرض للمرض او للفقد اشياء مالنا فيها يد..فبدل مانتحسر على وضعنا الافضل نتعايش معه..بالأخير الأيام راح تمشي سواء حصرنا نفسنا داخل الضروف والا تنقلنا وهي معنا..

هذا باسهاب اللي طلعت به من بعد خيانة زوجي لي..

بالنسبة لطلب زوجك وجودك الدائم معه..
حاولي توازنين..لأنه كأب لابد يجلس مع اطفاله ويطلع معهم بنفس الوقت اكيد تقدرين تخصصين جزء من الوقت لكم..
بس الموضوع برأي محتاج تنظيم..


روح هو القرار لك لحياتك..
بس متعلق فيه أكثر من شيء..مستقبلك وأطفالك ومستقبلهم..
اجلسي واحسمي امرك بقرار ماترجعين عنه الا لو استجد جديد..
انا اتذكر تعبت من كثر ماأفكر بالانفصال حتى صرت عاجزة لانه فيه قرارات مبنية على هالقرار..
لكن مرة كتبت وفكرت خلال 10ايام وقررت اني خلاص ماعاد افكر بهالموضوع لانه عطيته وقته كامل وقررت بوضوح فصارت حتى لو جت فبالي الفكرة اتذكر قراري واقول خاطر وبيمر..

ربي يهديك لما فيه خير للجميع