السلام عليكم ورحمه الله وبركاته
اسعد الله مساكم جميعا 💜💜
حبايب قلبي عندي مشكله وأرجو مساعدتي فيها
الله يسعدكم ويفرج همكم 💜
م ادري من وين أبدا لكن راح اقولكم كل شي بالتفصيل
انا طالبه جامعيه وضعي مع اهلي تمام جدا م تزوجت الى الحين
اختي متزوجه من 4 سنوات والحين عمرها 22
الاحظ من الفتره الأخيره جلوسها ع السناب شات بشكل فضيع
تصوير دايما ، واهي ترقص واهي طالعه ل اي مكان
يوم من الأيام نامت عندي وفاتحه السناب تسولف
مع مين الله اعلم لكن انا شكيت وتعوذت من ابليس
لكن تفاجأت يوم من الأيام اختي جابها زوجها
وقالت فيه مشكله بينا ، لكن ايش هي الله اعلم
كلمني زوج اختي بما اني اقرب وحده ل اختي
وقال عن موضوع السناب ، انو اختي ضايفه شباب
2 فقط وتسولف معاهم انا مدري ايش اقول
لكن والله يعني م بيدي شي أسويه
كلمتها م تسمع لي ومدري ايش
اهلي كلموها م تسمع ل احد
رجعها زوجها وجاب لها جوال جديد وكل شي
م قصر معها ابد لكن الحين رجعت مثل اول
سوت حساب جديد وضافت فيه ناس
وزوجها عرف ع كلامه انو يقول م قدر يصبر وطقها
تكلم واحد عبر السناب شات وكذا والموضوع يعني مو هين
خلاص هذه ثاني مره اهتزت الثقه عرفو اهلي وكلموها
مدري ايش الحل ، أهو الحين حطها عندنا ، ويمكن بعد م يرجع ياخذها
مدري وش الحل اهلي مالهم وجهه يكلمونه وانا نفس الشي
انا كل ماصارت مشكله احل المشكلة عشان ماتكبر
امي فيها سكر ابوي فيه اعصاب يعني اي لحظه بيطيح
أرشدوني ، ساعدوني ، شوفو معي حل
مابيديني شي وربي شكواي لله تعالى 😔💜