رد: حياتي الزوجيه طبيعيه ولا لا ؟!!
البدايه وصفت نفسي حزينه اي والله انا امر بفترة حزن صامت واحاول مادقق ولكن حيل الله اقوى ...
اولا بحكي عن البدايات بشكل موجز
انا البنت الوسطى بعائلتي .. والدي ووالدتي في حرب ضروس من فتحت عيوني حرفيا الوالد مايحب الوالده ابد .. والدتي ملتزمه جدا وموظفه على مرتبه ممتازه .. والدي موملتزم ووظيفته عاديه .. وكانت جل المشاكل على اسلوب والدي واهاناته و المسؤليه والصرف وامور كثيره* وكذا والدتي متحمله المسؤليه لدرجة ان البيت والسيارات من عندها ماكنا ندري بس الوالد قاله .. على اني مدللة والدي الا اني ماحس اني احبه لانه يهين امي ويحزنها دايم* واحب والدتي مره.. الله يعوضها بالجنه وبصلاح ابنائها ان شالله ويهدي والدي يارب الان والدتي في الخمسين ووالدي بالستين والامور بينهم هدأت كثير عن قبل* ... انا خذت عبره انو اعيش لنفسي محد راح ينفعني .. وكنت اقول لامي لو انا مكانك اتطلق من غير حسوفه شوفي كيف مشاكلكم تعبتنا كثير واني لو اتزوج واحد زي بابا وانا موظفه زيك والله ماجلس عنده دقيقه .. والله بفترة مراهقتي انام كل ليله على دموعي بسبب صراخهم هالامر سبب لي عقدة من الرجال عموما كرهتهم .. وماصدق ان في احد منهم في خير .. المهم في ثاني جامعه وعمري 20 تقدم زوجي لي .. وكان عن طريق خالي .. خالي معاه بالشغل وهو من نفس عائلة امي ونفس الفخذ وانا من عائلع وقبيله اخرى .. المهم اني فرحت كثير لاني معجبه بخالي هذا وزوجي نفس مواصفاته تماما نفس الوظيفه ونفس العائله وتصورت انو نفس الاخلاق كمان وكنت اشوف كيف خالي مدلل زوجته وقدامنا وكيف تعامله معانا شخص حنون ويخاف الله وشخصيه وقلت ماراح يجيب الا الخير خصوصا انه دقيق جدا ومايرضيه اي شخص .. وعلى طول بدون تفكير وافقت . ( كنت اخطب لابناء عمومتي كثيرا ولكني لا احبهم ولم اوافق على اي شخص فيهم حتى قاطعونا بس احدهم شافني مره خدعوني اخواته ودخلوه علي وخطبني خمس مرات حتى وقت اعلان خطوبتي لزوجي وبعدها توقف وللان لم يتزوج هذا دايم اقول لابوي رح جب غساله عينه فيني على هالتعاسه اللي اعيشها )
المهم خطبت وتملكت وزوجي كان سعيد وعملنا الشبكه وكان مره طاير فيني .. وبعدها مرضت مرض شديد فجأه** ولما تشافيت* زوجي تغير تماما !! صار يغلط ويزعلني ويطنشني حتى يوم الزواج عمل مشكله وهزأني ؟؟
ومره قالي بعد الزواج مرضك علامه على ان زواجنا فاشل وانو مفروض اتركك بس انا ماتركتك ولا خويي زوجته مرضت وطلقها ؟؟؟ قلت له خويك مب رجال !!!
على فكره مرضي التهاب رئوي حاد ادخلني المستشفى تنويم اسبوعين* وطلعت منه بربو مزمن صار معي ..