منتدى عالم الأسرة والمجتمع - عرض مشاركة واحدة

08-09-2015, 04:54 PM

#3739

مهره

عضو المنتدى الفخري

تاريخ التسجيل: Aug 2003

المشاركات: 17,491

رد: كوفي شوب الصبايا (٣)

هاجر .. سلامة ولدج .. والله يعينج على ولدج الثاني.

أنا صراحة ما أتحمل هالدلع!!

السنة اللي طافت حصل إن مهرة تعبت أكثر من مرة وكانت تضطر تغيب .. وسلطان يغار ويقول لي: أنا بعد باغيب .. شمعنى مهرة!!

أقول له: اختك مريضة وإنت صاحي ما فيك شي .. وموضوع الغياب بدون سبب ما ينفتح مرة ثانية.

والأسبوع الماضي كان يوم ميلاد ولدين من عيال خوات زوجي.

وسبحان الله هالولدين فيهم طبع ماااااصخ .. أي احتفال فيه كيكة وشموع لااااااااازم يشاركون في إطفاء الشموع .. حتى لو كان ما يخصهم .. وإذا واحد فيهم طفا قبل الثاني يقوم الثاني يبكي ويصارخ ويزعل ويطنقر .. وأختهم الصغيرة تعلمت منهم وصارت الاسطوانة تتكرر منهم هم الثلاثة.

وأم كل واحد منهم أو خالته تروح تراضيه وتحاول تقنعه يرجع عشان يطفي الشمع!!!

يعني تخيلي .. احتفلنا خلال الشهور اللي طافت بيوم ميلاد كل وحدة من خوات زوجي .. وكل مرة نفس الحركات والدلع اللي يعل القلب!

حفلة الأسبوع الماضي صارت فيها نفس الحركة .. والثلاثة قاموا يصيحون والكل يحاولون يراضونهم .. وشما لما شافتهم قامت تصيح مثلهم من باب التقليد وسوّت نفسها زعلانة وراحت الصالة الثانية .. وشفت عمتها تلحقها تبا تراضيها وتقنعها ترجع عشان تطفي الشموع هي بعد!!

استفزني الموقف جداً .. وقلت لعمتها: خليها تولي .. عيد الميلاد مب لها والكيكة والشموع ما يخصونها.

ورحت مسكت بنتي اللي كانت بعدها تصيح وقلت لها: انتي طفيتي شمعتج في عيد ميلادج خلاص .. الحين عيد ميلاد فلان وفلان وهم بس اللي يطفون الشموع .. تبين تيين عشان نقص الكيكة وتاكلين منها والا تمي مكانج هني .. لكن يا ويلج إذا سمعت صوت صياحج.

ورحت عنها ..... وطبعاً يت وراي عشان تاكل من الكيكة.

__________________

اللهم طِيبَ الأثر .. وحُسْنَ الرحيل.