اقتباس:
المشاركة الأصلية كتبت بواسطة فاكهة الشتاء
ردج هذا خوفني يا شوك
أخاف يوم من الأيام اضطر أوصل لهالنتيجة
آخر زيارة لنا لأهله خرجت من عندهم باكية
ما توقعت أخته اللي هي بنت خالتي تكشف عن السوء اللي بداخلها تجاهي وتجاه أهلي
المشكلة الان في العيد الجاي
أنا وزوجي في امارة تبعد عن امارتهم ساعتين
وكنا عادة نروح نبيت يومين ونرجع
وأنام مع أخوات زوجي وأمه في الصالة لان بيتهم صغير والغرفة الكبيرة أخذتها سلفتي وكنت راضية وقانعة لاني معتبرة نفسي تربيت بهذا البيت وبكل ركن من أركانه وأنا طفلةوكنت أرنام ع الأرض وأنا حامل على مضض رضا لخالتي ...
الحاصل انتقلوا لبيتهم الجديد فيلا
وحسيتهم استثقلونا بشكل غريب
وأخته قامت ترمي كلام أنا أعتبره من باب التطفيش
كانت أول مرة نجلس عندهم 5 أيام وكان بناء على طلب منهم واصرار مكرر تعالوا تعالوا وأنا رايحة لهم مفتشلة على ابو اني طولت عليهم طلعوا الجماعة بس كلام !
قبل ما نطلع قالت خالتي المرة الجاية تعالوا على البيت القديم !
وأنا ماعندي مشكلة بس اللي يخوفني في البيت القديم بعد ما انهجر وجود أفاعي ولا عقارب لان فيه احتمالية تطلع كون البيت القديم في فريج عداله جبال ...
وهم قالوا لما طلعوا طلعت حية كبيرة !
مادري بنات شو برايكم الحل
أروح وأحجز فندق مع ان الفنادق بعيدة شوي
ولا أروح وأسكن في البيت القديم يوم وأطلع اليوم أسأل زوجي أمان علينا هناك ولا لا قالي يعني !
ولا نروح البيت الجديد الصبح نزور ونسلم ونتغدى نرجع امارتنا في الليل ولا المغرب ؟!
جدا محتارة
ومش هاينة نفسي علي أنذل
وبنفس الوقت مابي أبعد زوجي عن أهله رغم انه خذ موقف منهم على اللي صار وعفكرة هن فتحن السالفة قدامه مو أنا وزعل من كلامهن ضدي ....
لكن يبقون اهله وما يمنعني عن اهلي وانا باعامله بالمثل الله يرضى عليه
شوروا علي بنات
بيتا شوك مهره مؤيدة وكوين بعد لانها مجربة
وميمو وزين ومبتعثة والكل
شوك لو في مجال تروحين روحي لاهله
ولا تغلقين كل باب
|
ولدي اللي ما شافوه إلا لما صار عمره4 شهور هذي كيف أنساها؟!
بناتي وأسلوبهم الخايس معهن
فيه ناس لما تحسبك ساكتة تحسبه ضعف والا خايفه تطلق!!
ما يدرون إني بايعه وولدهم اللي متشبث!!
ما يدرون إني والله العظيم مابي أخسرهم لأنهم أهل عيالي
بس يجيك وقت تقولين خلاص يكفي إهانة
هالمرة لازم يعرفون إني شر وزاد مر
إني أقدر أبيع
إني بنت الناس اللي مو ملزومة تتحملهم العمر كله
يسألون بناتي وين بتتعيدون فيه؟!
ولما ما رحت أرسلوا يطلبون مني صباح العيد صور عيالي بالعيد
ومرسلة عمتهم تقول " العيد ماله طعم بدونكم"
طيب دام عارفين ليش طفشتوني بحركاتكم واسلوبكم !!
افقدوا النعمه اللي كنتوا فيها عشان تتعلمون تحترمون الأحاسيس والمشاعر.
ماقدر أضغط على عمري
مليت من دور طنشي وتغاضي وابلعي ولا تطلع منك العيبه
حلها تطلع، يمكن يعيدون حساباتهم معي