اقتباس:
المشاركة الأصلية كتبت بواسطة الغريبة_1
وش الحل الاخير ...؟؟!!!!
انا ودي احلها بس مو بيدي ؟؟؟
|
الا بيدك يااختي تحلي الموضوع
زوجگ وعاشرتيه سنين وعرفتي شره اكثر من خيره
كانت مصالحه فوقگ انت وابنائك صح
الحين خلي مصلحة ابنائك فوق كل شي
الحمدلله موظفه ، وعندگ سائق ، وبيت ، واولادك بحضنك
حطي زوجك ع جنب ، اجلسي مع نفسگ
وخاطبي عقلگ الباطن ،
انا ببقى بهالزواج عشان مصلحة اولادي فقط
عيشي بإبنائك لاتدفعيهم ثمن استهتار ابوهم
مو واحد ولا اثنين هذول خمسه ماشاء الله
يالله محلى لمتهم عليك برمضان والاعياد
محلى دخولهم عليگ بشهايدهم اخر السنه ناجحين
محلى نظرتهم لگ وتخفيفهم عنك المگ
محلى روحتكم عمره وصلاتكم بالحرم وهم حولگ وحواليگ سند وعزوه بعد الله
احتسبي حبيبتي ، وان ماطاعك الزمن طيعه
ابتلاء من الله ،
لاتقولي غيره وقهر وحقوق ومحتاجه مشاعر
انا معگ بهالشي ، بس حكمي عقلگ ومصلحتك
مصلحتگ مع اولادك ببيتك ووظيفتك هالامور بتعزك بعد الله عن الكل
خلگ قويه ولاتعطي لمشاعرگ فرصه تغلب عقلك
انا لو منگ حتى فلوسه ماابغاها يشبع فيها
امتع نفسي واولادي بفلوسي وكله عند الله مايضيع
اشتري قطعة ارض وابني بيت العمر ،
مو تبني بيت لگ ولا اولادك لا
ابني تحت دور ارضي لگ فقط
وفوق شقق مجهزه لزواج بناتگ واولادك فيهم
لميهم قبل لايكبرو وتتشتتاهم المسؤليات
ابني ع مهل لين السننين تمشي وانتي تلتهي بطموحاتگ وتخطيطاتگ لهم
ياحبيتي تحرري خلص من الي عمله فيك وانظري لقدام
لاتخليه يدمر نفسيتگ بالايام الجايه ، لهنا ستوب والله معگ
تخطيطاتي الجايه المعذره يازوجي انت مو فيها ومالگ مكان
الحين دوري انا واولادي فقط --> قولي لنفسك هالكلام وشوفي تآثيره
( ان الله لايغير مابقوم حتى يغيرو مافي انفسهم )