الله يسلمكن حبيباتي ربي ما يحرمني منكن😙😙😙😙
حبي سقيا هون ما في حكمة ببلاش وفي مسشفى وحدة مخصصة للاطفال بالمدينة اللي فيها لانو عالكل اجباري التأمين بالبلد
ما في متل لندن والمانيا مستشفيات حكومي من دون دفع
ومستشفيات خاصة على حساب المريض
نحناكل شهر بندفع بحدود الف وميتين دولار تأمين
بس هون مشكلتهن بالتشخيص
ما بيشخصوا دغري ممكن يعملولك عملية ليعرفوا يشخصوا
بس اذا عرفوا شو بكي بعالجوكي عالمزبوط
وبيهتموا فيكي منيح والمعاملة توب
بالمقابل بطيئين بشكل ما طبيعي
هلئ ابني بعدو هونيك
لمن ساعة اجا الدكتور شاف الصورة طلعت نظيفة
قاموا شقولوا اجرو شوي ليشوفوا اذا في التهاب ليتأكدوا اكتر مع انو بالصورة ما طلع في شي
وكان على اساس تنظيف
وكرمال شقوها حطولوا شي كرمال ما تلتهب
وبعد يومين لازم يرجعوا يفتحوها ليزيلوا الشي اللي حطوه
اقسم بالله ماني مستوعبة عليهن ليش هيك اتصرفوا
قلي زوجي عم يتعلموا بابننا
لانو اليوم ما في حكما الا كم واحد للحالات الطارئة

حتى رفيقتي من 8سنين صار عندها وجع وعملولها صور وحكيم رايح وحكيم جايي واخر شي قرروا انو في ورم ولازم تمضي ليشقوها ليعرفوا شو نوعه
حكيمتها بلبنان قالتلها عالتلفون انو هيدي الاعراض بيكون عندك البويضة نازلة وصاير في عقدة فنزلت تاني يوم رفيقتي علبنان طلع متل ما قالتلها دكتورتها وبالدوا مشي الحال


وانا دكتورتي النسائية بروفوسيرة والكل بيشهد على خبرتها وببنتي ميامين صار عند حمل عالحسابات يعني ما كان بدي اولاد
فحسبتلي عمر الحمل شهر ونص والمفروض يكون في نبض وانا حملي كان صايرلو عشر ايام بس
وعالصورة ما بين في نبض ولا شي قالتلي حملك مش طبيعي ولازم احجزلك بالمستشفى تعملي عملية اجهاض وانا رفضت لانو كنت حاجزة انزل علبنان
قلتلها بعملها تحت وعندي ولدين واهلي بيكونوا حدي
المهم بس نزلت رحت بعد شي اسبوع لعند دكتورة روسية بتحكي عربي قالتلي في نبض والحمل طبيعي وبتحسبي على حساباتك مش على حسابات الحكما العلمية

كرمال هيك بس بخاف هون من التشخيص والا كعناية ومعاملة واحترام ما يعلى عليهن

بس لشو هيدا كلو من بعد ما يطق قلبو للواحد
هون عندهن طولة بال وبرودة اعصاب مش طبيعية

بس بالنسبة للنطرة للصراحة الشغلة الوحيدة اللي من وقت ما جيت على هالبلد وما فيها نظام هوي موعد الحكما مستحيل تفوتي عالوقت دايما في تأخير وانتظار

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه